Diftar+

Diftar+ stiet foar beteljen op gewicht foar it restôffal. Jo betelje in fêst bedrach per húshâlding (fêstrjocht) en in fariabel diel (Diftar+). Fêstrjocht betelje jo altyd, ek as jo gjin gebrûk meitsje fan konteners of fan in ûndergrûnsk ôffalsysteem. It fariabele diel bestiet út twa stikken. 

1. Hoe faak jo restôffalkontener leechmakke is.
2. Hoefolle kilo ôffal jo per kear oanbean hawwe.

Foar de ûndergrûnske sammelkonteners feroaret der neat, dan betelje jo per kear dat jo in ôffalsek fuortsmiten hawwe.

Restôffal bestiet noch altyd foar in grut part út op 'e nij te brûken grûnstoffen. Lykas: 

• itenresten;
• griente-, fruit- en túnôffal (gft);
• papier;
• tekstyl;
• glês.

Dit heart dêr net thús. Troch dizze grûnstoffen better te skieden, ferminderet de hoemannichte restôffal. Dus hoe better jo it ôffal skiede, hoe minder kilo’s der yn de kontener sitte.

De ynfiering fan Diftar+ start per 1 jannewaris 2026.

Foar it leechmeitsjen fan de restôffalkontener wurdt in fêst bedrach per leechmeitsjen betelle en dêrnjonken in bedrach per kilo oanbean restôffal. 

De tariven binne as folget: 

• It fêste taryf de persiel foar 2026 is € 207.
• It fariabele tarief foar de grize kontener wurdt € 1 de leechmakking en € 0,30 de kilo.
• It fariabele taryf foar de griene kontener wurdt € 1 de leechmakke kear.
• It leechmeitsjen fan de papierkontener bliuwt fergees.

Jo kinne alle ynformaasje oer de tariven besjen op de webpagina Feroardering op de heffing en ynfolling fan ôffalstoffenheffing en reinigingsrjochten Opsterlân 2026.

De ôffalwein waacht de kontener foar it restôffal mei in chip. Krekt foardat de kontener leechmakke wurdt en foar it werompleatsen. De waachynstallaasje berekkent sa it nettogewicht restôffal yn de kontener. Jo betelje dus allinnich foar it restôffal dat yn de kontener siet. 

As jo gebrûk meitsje fan in ûndergrûnske kontener, betelje jo per kear dat jo de klep iepenje en net foar it gewicht. 

Jo ûntfange de ôfrekkening foar Diftar+ as it kalinderjier foarby is. Dizze ôfrekkening ûntfange jo tagelyk mei de jierlikse oanslach gemeentlike belestingen. 

Ja, der binne ferskate regelingen. 

Besjoch de finansjele regelingen

It Diftar+-systeem giet út fan it prinsipe ‘de fersmoarger betellet’. Op dizze wize betelje allinnich de minsken dy’t luiers fuortsmite foar de ferwurking, en net alle ynwenners fan de gemeente. Luiers wurde troch middel fan neiskieding apart ferwurke yn de spesjale DANO-trommel dy’t Omrin yn 2021 yn gebrûk naam hat. Foar in bepaalde doelgroep is in finansjele tegemoetkoming, de RUFT-regeling. 

Waskbere luiers

Wisten jo dat it noch better is om útwaskbere luiers te brûken? Dizze sjogge derút as luierbroekjes en hjirmei besparje jo in protte kilo’s yn de restôffalkontener. Bykommend foardiel is dat bern yn waskbere luiers folle rapper skjin binne en dat skilt gemiddeld € 500,- de bern oan wegwerpluiers.  

Plestik, metaal en drankkartons kinne goed opnij brûkt wurde nei it skieden. Omrin hellet masinaal mei de neiskiedingsynstallaasje it plestik út it ôffal. Dizze kar is al jierren lyn troch de gemeenten tegearre mei Omrin makke. De sortearmasine dy’t de neiskieding docht, soarget foar in bettere skieding fan meardere grûnstoffen. 

Nee, jo kinne noch altyd om de wike de kontener oan de dyk sette. Troch de kontener allinnich fol fuort te setten, foarkomme jo dat immen wat yn jo kontener smyt en hâlde jo it tarief foar it tal oanbiedingen sa leech mooglik. 

Jo kinne fan 1 jannewaris 2026 ôf fia de Omrin Afvalapp sjen hoefolle kilo’s jo oanbean hawwe.  

Op jo faktuer Ofgongstoffenheffing stiet hoefolle kilo ôffal der it ôfrûne jier yn de restôffalkontener siet en hoe faak jo kontener leechmakke is.

Om it opnij brûke te kinnen, wurdt papier, glês, tekstyl en griente-, fruit- en túnôffal (gft) skieden. Mear ynformaasje oer ôffal skiede kinne jo lêze yn de ôffalskiedingswiizer yn de Omrin Afvalapp. 

As jo gjin Biobak (gft-kontener) oan hûs hawwe, dan kinne jo kontakt opnimme mei Omrin. Dit kin fia de Omrin Afvalapp of fia de webside fan Omrin. Jo kinne ek kontakt opnimme mei klantentsjinst Syp fan Omrin fia e-mail syp@omrin.nl of telefoan 0900 - 21 00 215.  

Dat kin, mar de ûnderfining by oare gemeenten leart dat it hiel komselden foarkomt dat oaren ôffal yn jo kontener smite. 

Jo moatte sels de kosten foar it slot betelje, dêrom riede wy jo oan om earst ôf te wachtsjen oft dit yndie bart. Wolle jo dochs in kantelslot op jo Grize Bak (restôffalkontener), dy’t de jiskewein iepenje kin? Jo kinne dizze bestelle fia de Omrin Afvalapp, de kosten binne € 80,-. It bedrach kinne jo ôfrekkenje fia de Omrin Afvalapp.

De kontener is eigendom fan Omrin. It is net tastien om hjir sels in slot op te pleatsen. Lit it slot allinnich pleatse troch Omrin. Doch dit net sels, dan wurdt de kontener net mear leechmakke.