Feilich wenje
Feiligens is de basis foar noflik wenjen, wurkjen en libjen. Yn Opsterlân soargje wy tegearre mei ús ketenpartners en ynwenners foar in feilige omjouwing en wurkje wy deistich oan it behâld en de ferbettering dêrfan.
Yntegraal Feiligensbelied
De gemeente Opsterlân wol in maatskippij wêze dêr't ynwenners, ûndernimmers en besikers har feilich fiele. Sy moatte har net allinnich feilich fiele, mar it moat ek feilich wêze. Foar in goede stjoering en koördinaasje op feiligensûnderwerpen stelt de gemeente alle fjouwer jier in yntegraal feiligensbelied op.