It doarp Siegerswoude (Sigerswâld) leit yn in healiepen oant iepen heechfeanûntginningsgebiet, op de grins tusken it boarnegebiet fan it Alddjip (Koningsdjip) en de noardlike sânrêch.
Terwispel leit yn it westen fan de gemeente Opsterlân, tichtby Gorredijk, de grutste kearn fan Opsterlân. Terwispel is ien fan de âldere delsettings fan de gemeente en wie earder in boeredoarp.
Tijnje (De Tynje) is in wenplak, lizzend yn it westlik feanweidegebiet fan Opsterlân. Tijnje leit flakby de A7, healwei Drachten en It Hearrenfean, en oan de trochgeande dyk tusken Gorredijk en Aldeboarn/Akkrum. It doarp leit flakby natuergebiet 'De Deelen' en leit beskerme tusken de beammen. It oarspronklike karakter fan dit agraryske feanûntginningsdoarp wie in dykdoarp.
Ureterp (Oerterp) is ien fan de âldere boerennedersettingen op de hegere sânrêgen benoarden it Alddjip (Koningsdjip). It doarp leit inkele kilometers ten súdeasten fan Drachten, oan de dyk fan Beetstersweach nei Siegerswoude.
Wijnjewoude (Wynjewâld) is ien fan de âldere boerennedersettingen yn Opsterlân. Wijnjewoude leit tusken Bakkeveen en Hemrik flakby de eastgrins fan de gemeente Opsterlân, oan de N31 (Easterwâlde - Drachten).
