Subsydzjes en regelingen

Op dizze side fine jo de subsydzjeregelingen fan gemeente Opsterlân, Provinsje Fryslân en nasjonale fûnsen en subsydzjes. Jo kinne ek it helpdokumint 'It skriuwen fan in projektplan' downloade. 

Wy biede € 2.177,- om te besteegjen oan isolaasje yn jo hûs. Meidwaan kin as jo hûs noch net goed isolearre is en de WOZ-wearde (peildatum 01-01-2022) fan jo hûs leger is as € 429.300,-. Wy biede ek de tsjinsten fan enerzjyferkenners oan, foar û.o. isolaasjeadvys en help by it oanfreegjen fan subsydzjes. 

Hawwe jo yn 2022 en/of 2023 te krijen hân mei hege enerzjykosten, en hat jo organisaasje te krijen (hân) mei in eksploitaasjetekoart yn 2022 en/of 2023? Dan kinne jo in oanfraach yntsjinje foar in tegemoetkoming yn de hege enerzjykosten. 

Binne jo fan doel om ferduorsummingsmaatregels te realisearjen foar in doarpshûs, sportferiening of swimbad? Of hawwe jo miskien ferduorsummingsmaatregels realisearre fan 1 jannewaris 2022 ôf? Dan kinne jo in oanfraach yntsjinje foar dizze subsydzje.

Komfortabel, duorsum en feilich wenje. Soms moatte jo jo wenning dêrfoar oanpasse. Tink bygelyks oan in traplift of sinnepanielen. Fia de gemeente kinne jo hjirfoar jild krije yn de foarm fan dizze twa lieningen.

Starters in kâns jaan op de keapwenningmerk, fynt de gemeente Opsterlân tige wichtich. Dêrom biede wy de Startersliening oan. Dêrby wurkje wy gear mei it Stimuleringsfûns Folkshúsfêsting Nederlânske gemeenten (SVn).

Wolle jo in aktiviteit of evenemint organisearje op it mêd fan kultuer? Dan kinne jo Subsydzje Kultuer Eveneminten Opsterlân oanfreegje.

Organisearje jo in âldjiersaktiviteit yn de gemeente? Mooglik komme jo yn oanmerking foar subsydzje.

Doarpshuzen binne wichtich foar de doarpen yn Opsterlân. Se binne in plak dêr't minsken elkoar moetsje, tegearre aktiviteiten dogge en ferieningen telâne kinne. Om de doarpshuzen goed te ûnderhâlden, is der in spesjale subsydzje.

Wolle jo as Pleatslik Belang, stichting of feriening in aktiviteit organisearje om de leefberens en/of sosjale gearhing fan it doarp te fergrutsjen? Folje dan it oanfraachformulier ‘Oanfraach Subsydzje Foar Ús Doarp’ yn. Mooglik komme jo yn oanmerking foar dizze subsydzje.

It kolleezje hat besletten om yn de perioade 2023-2026 de oan sportfoarsjennings en doarpshuzen opleine ûnreplikguodbelestingen (ozb) te fergoedzjen yn de foarm fan in subsydzje. Dit is in útwurking fan de ambysje út it koälysjeakkoart.

De boarterstúnkommisjes binne ferantwurdlik foar it behear en de eigen finânsjes. De gemeente stelt jierliks per boarterstún in fêste subsydzje beskikber dêr't de boarterstúnkommisjes oanspraak op meitsje kinne.

Gemeente Opsterlân hat Europeesk subsydzjeld (Europeesk Sosjaal Fûns) krigen om minsken mei in kwetsbere arbeidsmerkposysje oan it wurk te helpen.

Wolle jo subsydzje oanfreegje by de gemeente? Sjoch dan earst oft jo aktiviteit oanslút by de subsydzjeregelingen. Jo kinne ek in iepen subsydzjeoanfraach dwaan, dan sjocht ús subsydzjekoördinator oft de gemeente wat foar jo betsjutte kin.

De tiid dat de gemeente bepaalt wat goed is foar har ynwenners, leit fier efter ús. De lêste jierren sjogge wy hieltyd mear inisjativen yn de maatskippij ûntstean. In inisjatyf yn de iepenbiere romte is in idee foar in oanpassing of ferbettering fan de leefomjouwing.

Op dizze side fine jo ynformaasje oer hoe't jo beswier meitsje kinne tsjin in beslút fan de gemeente Opsterlân.