Subsydzje âldjiersaktiviteit
Organisearje jo in âldjiersaktiviteit? Freegje subsydzje oan. Wolle jo as doarpsferiening, jeugdsoas of oare ynstânsje in jierwikselfeest yn de âldjiersnacht organisearje, dan kinne jo foar 1 novimber 2025 in subsydzjeoanfraach yntsjinje. De gemeente Opsterlân stelt dit soarte inisjativen bysûnder op priis.
Betingsten
Om yn oanmerking te kommen foar in subsydzje jilde der in tal betingsten.
- De festiviteiten binne iepenbier tagonklik.
- De festiviteiten fine plak tusken âldjiersdei 31 desimber 10.00 oere en nijjiersdei 1 jannewaris 05.00 oere.
- De festiviteiten binne yn oerwegende mate rjochte op it tsjingean fan oerlêst op âldjiersdei en -nacht, it foarkommen fan iepenbiere oardeproblemen en it befoarderjen fan de gearhing yn de doarpen en kearnen.
- De festiviteiten moatte safolle mooglik foldwaan oan de winsken fan ferskate leeftyds- en doelgroepen yn it doarp, bygelyks troch it organisearjen fan in fjoerwurkshow en in âld- en nijfeest tidens de jierwikseling.
- Der wurdt per doarp mar subsydzje ferstrekt oan ien oanfreger. Per oanfraach kinne meardere aktiviteiten subsidiearre wurde.
- As der mear oanfragen út ien doarp komme, sille wy befoarderje om dizze aktiviteiten te bondeljen.
- De subsydzje foar de festiviteiten bedraacht fan in minimum fan € 500 per aktiviteit, oant in maksimum fan € 3.000 per oanfraach. De hichte fan de subsydzje bedraacht in maksimum fan 70% fan de fan de subsidiearbere kosten.
- De beskikking ta subsydzjeferliening wurdt foar 20 desimber 2025 fêststeld en foar ein desimber 2025 útbetelle.
- De bepalingen fan 'e Algemiene Wet Bestjoersrjocht, de Algemiene Subsydzjeregeling Opsterlân en de Subsydzjeregeling foar Aldjiersjûnaktiviteiten binne fan tapassing op dizze subsydzjeferliening.
- Ferplicht is om de aktiviteiten út te fieren sa't yn de oanfraach oanjûn is.
- De oanfreger moat binnen twa wiken nei it oanbelangjende jierwikselfeest troch middel fan in foto en in koart ynhâldlik ferslach oantoane dat de aktiviteiten yndie plakfûn hawwe.
Fjoerwurkshow
Foar in fjoerwurkshow hawwe jo in fergunning nedich fan de FUMO. Op de webside fan de FUMO lêze jo hjir mear oer. De keppeling is: Fjoerwurk - Webside FUMO
Oanfraach
Daliks regelje
Binne jo fan doel om in âldjiersaktiviteit te organisearjen binnen de gemeente Opsterlân? Folje dan it formulier 'Oanfraach subsydzje âldjiersaktiviteit' yn (boppe-oan dizze side ûnder it kopke 'Daliks regelje'). Mooglik komme jo yn oanmerking foar in subsydzje âldjiersaktiviteit.
