Us organisaasje

It Serviceteam soarget foar minsken, sawol yntern as ekstern. De ferskate sekretariaten stypje de kolleezje fan 'e boargemaster en wethâlders, it bestjoer, en de teammanagers. De boaden en meiwurkers fan 'e fasiliteitentsjinst helpe alle meiwurkers mei praktyske saken en soargje foar in feilige en noflike wurkpleats. De meiwurkers fan it Publykssintrum binne it earste oansprekpunt foar bewenners: by de resepsje, de baly en oan 'e tillefoan.

It Gebietsteam stipet kwetsbere ynwenners dy't it (tydlik) net selsstannich rêde. De útfiering fan de Partisipaasjewet, Jeugdwet, Wet op de gemeentlike skuldhelpferliening, Ynburgeringswet en Wet maatskiplike stipe (Wmo) leit by dit team. It Gebietsteam wurket in soad gear mei partners en rjochtet him meast op previnsje. 

Binnen it team Konsernsaken wurkje meiwurkers fan Finânsjes, Kommunikaasje, HRM, Projektmanagementstipe, Juridyske saken en Bedriuwsfiering. Dizze ferskate dissiplines hawwe elk har eigen taken: 

• Finânsjes: stjoert op ús finansjele bedriuwsfiering
• Kommunikaasje: soarget foar heldere, eendúdige kommunikaasje yn wurd en byld, sawol yntern as ekstern
• HRM: hâldt him dwaande mei de ûntwikkeling en útfiering fan personiels- en organisaasjebelied
• Projektmanagementstipe: sjocht ta op de foarútgong fan projekten en bewakket de kwaliteit fan projektmjittich wurkjen
• Juridyske saken: hat in advisearjende rol by juridyske fraachstikken en draacht by oan prosedurele soarchfâldichheid
• Bedriuwsfiering: hat in advisearjende rol op it brede terrein fan (OWO) bedriuwsfiering en Europeeske betrekkings

It team foar Sosjale Domeinûntwikkeling makket belied foar it sosjale domein. De meiwurkers yn dit team advisearje de kolleezje en de ried en stjoere nei it realisearjen fan 'e doelen. 

It team Iepenbiere oarder en Feiligens (IOF) set him alle dagen yn foar feiligens / in feilige leefomjouwing. Mei feiligenspartners lykas de Feiligensregio wurkje se oan in yntegraal oanpak op feiligensgebiet. 

It team Klimaat en Libbensomjouwing rjochtet him op alles wat mei it klimaatakkoart te krijen hat. Dit team wurket sawol beliedsmjittich as útfierend op de folgjende gebieten: lânskip, miljeu en duorsumens, waarmte- en enerzjytransysje, sirkulariteit, (maatskiplik) fêstguod, ûnderwiishúsfesting en wetterbelied. 

It team Wenjen en Wurkjen soarget foar belied en planûntwikkeling op it mêd fan romtlike plannen, wenjen, ekonomyske saken, rekreaasje en toerisme.

It team Audit en Control hâldt him dwaande mei de (ynterne) kontrôle binnen de gemeente. Dêrneist soarget dit team foar it belied op it mêd fan ynformaasjefeiligens en privacy. 

It team Fysyk behear en Utfiering beheart en ûnderhâldt de iepenbiere romte. Sy hâlde har dwaande mei grien (beammen, strûken, bermen) en griis (rioel, diken, bestrating). 

De ôfdieling OWO-VTH ferliend fergunningen en fiert tafersjoch- en hanthaveningsstaken út, mei as doel in feilige, sûne, leefbere en duorsume omjouwing. OWO-VTH wurket foar sawol Opsterlân as East- en Weststellingwerf.