Globale doelen
De gemeente Opsterland is sûnt augustus 2019 in Global Goals-gemeente. Mei de titel Global Goals-gemeente lit de gemeente sjen dat sy duorsume ûntwikkelingsdoelstellingen foar in leefbere, feilige en duorsume leefomjouwing wichtich fynt en hjir in bydrage oan leverje wol. Yn it koälysjeakkoard binne in oantal ûntwikkelingsdoelstellingen opnommen. De kommende jierren sille de doelen yn tanimmende mate weromkomme en ek mear sichtber wurde yn de gemeente.
Wat binne de Duorsume Untwikkelingsdoelstellingen?
Op 25 septimber 2015 hawwe 193 wrâldlieders har ferbûn oan 17 doelen om wrâldwiid by te dragen oan duorsume ûntwikkeling. Dizze doelen foar duorsume ûntwikkeling, better bekend as de Sustainable Development Goals (SDG’s) of Global Goals, waarden unanym oannommen troch alle lidsteaten en foarmje foar de perioade oant 2030 in wichtige mienskiplike duorsumensaginda.
Net allinnich ynternasjonaal, mar krekt op lokaal nivo binne in soad fan de duorsume ûntwikkelingsdoelen ferweve yn de opjeften fan gemeenten. De spesifike ynset fan gemeenten is ûnmisber omdat in soad fan de doelen raakflakken hawwe mei opjeften fan lokale oerheden. Tink oan it werombringen fan ûngelikens, goed ûnderwiis, in noflike en feilige libbensomjouwing, duorsume produksje en konsumpsje en sirkulêre ekonomy. Alle 17 Global Goals befetsje subdoelen dy't direkt of yndirekt te krijen hawwe mei it wurk fan Nederlânske gemeenten.
Meitsje in ôfspraak
Wolle jo in ôfspraak meitsje? Jo kinne dat hjirûnder dwaan, bepaal dêrby sels de dei en it tiidstip.
