Nij Beets
Nij Beets is in jong streekdoarp, stifte troch feanarbeiders, dat ûntstie doe't de turfwinning om 1860 hinne begûn. It doarp leit op de grûn dêr't ea it âlde doarp Beets lei.
Foto © Marcel van Kammen
Swiere tiden foar arbeiders
De arbeiders yn Nij Beets libben en wurken eartiids ûnder hiel minne omstannichheden. Dit soarge foar in soad protesten en sosjale striid. Yn museum It Damshûs kinne jo mear leare oer dizze perioade. It museum lit sjen hoe't minsken tusken 1863 en 1920 turf makken en hoe't harren deistich libben derútseach. Jo ûntdekke ek hoe't it lânskip feroare troch de turfwinning.
It Polderhaadkanaal
Troch Nij Beets rint it Polderhaadkanaal. Dit kanaal waard yn july 2015 op 'e nij iepene. Hjirtroch kaam der wer in ferbining tusken de Turfrout en Nasjonaal Park De Âlde Feanen. Fanút It Damshûs en it Sudergemaal is mei in boattocht it gebiet te ferkennen. Ien fan de boaten, de Lytse Turfbok, is in restaurearre houten boat dy't eartiids brûkt waard om turf te ferfieren. Dizze tocht fiert fia it kanaal nei it moaie âlde diel fan it rivierke It Alddjip (Koningsdiep).
