Oekraynske delegaasje te gast yn Opsterlân
Fan 23 juny oant en mei 5 july wie de gemeente Opsterlân gasthear foar in bysûnder besyk út Oekraïne. De boargemaster en it haad fan de ôfdieling Húsfesting en Iepenbiere Wurken fan de gemeente Nedryhailiv brochten yn it ramt fan it Europeeske programma TIPS4UA in twa wiken duorjend wurkbesyk oan Opsterlân. It wurkbesyk groeide al gau út ta in hertlike moeting tusken twa gemeenten dy't elkoar in soad te bieden hawwe. De ynset: kennis diele, elkoar fersterkje én bouwe oan gearwurking.
In waarm wolkom yn Opsterlân
De Oekraynske delegaasje waard op 23 juny offisjeel ûntfongen troch it kolleezje fan boargemaster en wethâlders fan Opsterlân. Yn de wiken dy't folgen, krigen de gasten in breed ynsjoch yn it gemeentlike en maatskiplike libben yn Fryslân. Se sprieken mei bestjoerders, besochten lokale organisaasjes en dielden ûnderfinings oer tema’s as soarch, wenningbou en duorsumens.
Wethâlder Rob Jonkman sjocht mei foldwaning werom op it wurkbesyk: "It is wichtich om Oekraynske gemeenten krekt no te stypjen. Troch gear op te lûken, bouwe wy oan duorsume relaasjes en drage wy by oan de weropbou fan Oekraïne. En it moaie is: wy leare der sels ek in soad fan."
Leare yn twa rjochtingen
Dat wjersidich learen kaam tidens it wurkbesite op in protte mominten ta utering. Oft it no gong om it besykjen fan in ynnovative wenningfabryk, in sosjale wurkfoarsjenning of in lokaal skoalgebou: der ûntstienen petearen oer praktyske oplossingen én dielde wearden.
Under it besyk oan sosjale wurkbedriuwen waard sprutsen oer it kreëarjen fan kânsen foar minsken mei in ôfstân ta de arbeidsmerk, wêrby't de Oekraynske gasten fertelden hoe't sy yn dizze drege tiid omgeane mei wurkgelegenheid, mei spesjale aandacht foar minsken dy't ferwûne of traumatisearre binne troch de oarloch. Der waard kennis dield oer begelieding, re-yntegraasje en it belang fan sinfol wurk foar herstel en selsfertrouwen. Ek jongereinsparticipaasje kaam oan bod: besites oan leechdrompelige moetingsplakken foar jongerein lieten sjen hoe't sy net allinnich gearkomme, mar ek aktyf meitinke en meidwaan yn de organisaasje fan aktiviteiten, wat sosjale gearhing fersterket en jongerein de romte jout om ferantwurdlikheid te nimmen, in boarne fan ynspiraasje foar de Oekraynske gasten. Dêrneist bea it besyk oan in rioelwetterzuiveringsynstallaasje weardefol ynsicht yn hoe't Nederlân wurket oan skjin en duorsum wetterbehear, wêrby't in soad belangstelling wie foar de technology, ynfrastruktuer en de rol fan lokale oerheden.
Gearwurking foarby de grinzen
De bân tusken Opsterlân en Nedryhailiv bestiet al langer. Sûnt it útbrekken fan de oarloch yn Oekraïne binne fanút Opsterlân in oantal help transporten organisearre rjochting de Oekraïense regio. Dat de gearwurking no ek bestjoerlik en maatskiplik ferdjippe wurdt, fielt neffens wethâlder Rob Jonkman as in logyske ferfolchstap: "Wy hawwe elkoar echt wat te bieden. Krekt yn drege tiden is it wichtich om elkoar op te sykjen en de hân te rikken."
Ofskie
Op de lêste dei fan it besyk krige de Oekraynske delegaasje de kaaien oerhandige fan in fol laden bus. De foarnaamlik medyske helpmiddels en apparatuer waarden ûnder oare doneare troch soarchorganisaasje Leppehiem en koenen wurde oanskaft mei de opbringst fan in lokale fûnsenwerving fia Steunactie.nl, in inisjatyf fan in Oekraynske flechtling út Opsterlân.
Tankwurd
By it ôfskied spriek de Oekraynske boargemaster inkele persoanlike wurden fan tank:
"Hartlik tank foar jimme stipe yn dizze drege tiid, dy't enorm folle betsjut foar Oekraïne. Under ús besite hawwe wy folle leard. Wy binne ûnder de yndruk fan de sterke ynfrastruktuer en de iepen, hertlike minsken. De wurkbesites hawwe ús ynspirearre en ús nije ideeën jûn. Wy binne tankber foar sokke goede freonen. Wy hoopje dat Opsterlân nea hoecht mei te meitsjen wat wy no trochmeitsje. Mei God jimme beskermje."
Oer TIPS4UA
It wurkbesite fûn plak yn it ramt fan it Europeeske programma TIPS4UA, dat him rjochtet op it stypjen fan Oekraynske gemeenten by weropbou en bestjoerlike fernijing. Opsterlân nimt as iennichste Nederlânske gemeente diel oan it pilotprogramma. De ûnderfinings wurde brûkt by de takomstige útwreiding fan oare gemeentlike partnerskippen yn de Europeeske Uny. Fia útwikselings, trainingen en kennisdieling wurdt boud oan sterke, takomstgerichte netwurken yn Europa.
De delegaasje hat in besite brocht oan:
- Maatwurk
- Van Wijnen
- Wetsus
- Wetterskip Fryslân
- Fergunningferliening, tafersjoch en hanthavening (VTH)
- Feriening fan Fryske Gemeenten (VFG), kommisje Europa en Ynternasjonaal
- Ikkerboubedriuw Meirink
- Fiedselbank Gorredijk
- Koade Hans
- Revalidaasje Fryslân Beetstersweach
- School Lyndensteyn
- Basisskoalle Loevestein
- Boargemaster Harmsma Skoalle
- Ferskate gemeentlike projekten
- OMRIN It Hearrenfean
- Toeristysk Platfoarm Fryslân/Nieuw Allardsoog
- Caparis Drachten
- Friese Rijders voor Oekraïne
