Faak stelde fragen ferkear en ferfier

Yn in soad buerten wurdt de parkeardruk as probleemField ervaren. Yn âldere wiken is net altyd romte foar twa of soms trije auto's foar elts gesin. Gemeente Opsterlân leit leaver gjin ekstra parkearplakken oan. Ekstra parkearplakken geane nammentlik faak ten koste fan grien of spylplakken yn de buert. As in strjitte oan grut ûnderhâld ta is, sjogge wy opnij nei de parkearsituaasje. Dat dogge wy yn oerlis mei de bewenners. Wy beprate dan tegearre oft it mooglik én winsklik is om it tal parkearplakken út te wreidzjen. As der al grut ûnderhâld west hat of jo strjitte foarearst noch net foar grut ûnderhâld oan de beurt is. Dan hantearje wy de regel dat wannear der binnen in rinôfstân fan 150 meter in parkearplak beskikber is der gjin útwreiding fan parkearplakken nedich is.

De gemeente Opsterland ferkeapet gjin parkearplakken.

• Wenwiken
  Wy krije regelmjittich fersiken foar it ynstellen fan in parkearferbod om parkearen op de rydbaan tsjin te gean, of omdat der foar in útrit- of op de stoep parkeard wurdt. It útgongspunt fan de gemeente is om gjin parkear- en stopferboden yn wenwiken yn te stellen. Mar ek om sa min mooglik buorden yn wenwiken te pleatsen. Mei it ynstellen fan de maatregel sil de situaasje wierskynlik net feroarje. As jo om jo útrit te ferlitten in pear kear stekke moatte mei jo reau, wurdt dit troch de hanthavener net sjoen as in belemmering. By hinderlik parkearen of it blokkearjen fan de wei advisearje wy jo de bestjoerder fan it reau oan te sprekken op syn of harren gedrach. Helpt dit net dan is de folgjende stap kontakt op te nimmen mei hanthavening of de plysje.
• By skoallen
  Oanfragen foar ferkearsmaatregels rûnom de skoalle kinne troch de skoalle sels, of troch in ferkearsâlder fan de skoalle oanfrege wurde. Ferkeersonfeilige situaasjes rûnom de skoalle kinne jo it bêste melde by de skoalledireksje of by de ferkearsâlder fan de skoalle.

De gemeente Opsterland stelt gjin blauwe sônes of fergunningparkearje yn wenwiken yn.

Hurdriden, en dan benammen yn wenwiken, wurdt meastentiids feroarsake troch de bewenners sels. Bewenners kenne de wei mei alle kûlen en oneffenheden of bygelyks besoargtsjinsten. Wy hawwe de mooglikheid om fia iepen data de snelheid yn jo strjitte te besjen. Wannear't út dizze gegevens bliken docht dat der te hurd riden wurdt, dan geane wy sels de snelheden te monitoren mei in ferkearstelling. Dit mei help fan in saneamde telradar. De telradar mjit de snelheid fan passearjende auto's. Om in sa goed mooglik resultaat te krijen sil de telradar oer in perioade fan 2 wiken de gegevens mjitte.

Wannear't út de resultaten bliken docht dat der in konstante oerskreding fan de maksimum snelheid is. Besjogge wy oft en hokker maatregels nedich binne. De fersiker krijt in skriftlik berjocht fan de resultaten.
Wannear't út dizze gegevens bliken docht dat der net te hurd riden wurdt, ûndernimme wy gjin aksje. Wol besteegje wy ekstra omtinken oan de wegynrjochting by it grut ûnderhâld. It is dêrmei it útgongspunt om allinnich by begrûne meldingen fan te hurd riden snelheidsmjittingen te hâlden.

Hanthavening op snelheid is in foech dat allinnich by de plysje leit. Jo kinne rjochtstreeks de plysje benaderje foar hanthavening, op it algemiene nûmer 0900-8844.

De gemeente leit allinnich drompels oan as oantoand is dat der struktureel (folle) te hurd riden wurdt. En dat it ynfloed hat op de ferkearsfeiligens (sjoch hurdriden). Wannear't de buert fersiket om sa'n foarsjenning, moat de foarsjenning breed droegen wurde yn de buert fanwegen de neidielen lykas trillingshinder en lûdsoerlêst. In drompel lizze wy allinnich oan by grut ûnderhâld, by ferfanging fan de riolearring of by de herynrjochting fan de wei.

Bewenners freegje regelmjittich om ienrjochtingsferkear yn 'e strjitte, om't der te hurd riden wurdt. Op in ienrjochtingswei sille bestjoerders krekt hurder ride, omdat der gjin tsjinliggers ferwachte wurde. Dêrom fiere wy dit soarte maatregels net út om de snelheid yn in strjitte te ferleegjen. Ienrjochtingsferkear is allinnich oan te rieden by smallere strjitten dy't trochstreamings- of ferkearsfeiligensproblemen opsmite. Ek allinnich as der goede alternativen binne om fia in oare wei, de wei te ferfolgjen. In betingst is dat de maatregel stipe wurdt troch de mearderheid fan de bewenners fan de oangeande strjitte.

De gemeente ferdielt de wegen oan de hân fan de lanlike noarmen fan Duorsum Feilich ûnder yn kategoryen. Hjirby wurdt ûnderskied makke yn wegen binnen en bûten de beboude kom. Wegen binnen deselde kategory krije deselde ynrjochting en hjirrop ôfstimde maksimum snelheid.

De maksimum snelheid op erftagonkswegen is 30 km yn 'e oere binnen de beboude kom en 60 km yn 'e oere bûten de beboude kom.

Foar in drokke wei, dy't soargje moat foar in fleugge trochstreaming, jildt in maksimale snelheid fan 50 of 70 km per oere binnen de beboude kom en 80 km per oere bûten de beboude kom.

Nagenoeg alle flitspalen yn Nederlân binne yn eigendom fan it Iepenbier Ministearje (OM).  It OM hat yn de ôfrûne jierren alle flitspaal-lokaasjes evaluearre. Dêrby wie ien fan de doelstellingen fan it OM om it oantal flitspalen werom te bringen. Dêrom waard per lokaasje kritysk nei de needsaak fan de flitspaal sjoen. Gemeenten koene hjir net folle ynfloed op útoefenje.

Nei de evaluaasje binne der flitspalen fuorthelle of ferfongen troch in digitale flitspaal.

It OM is tige terughâldend mei it pleatsen fan nije flitspalen. In flitspaal wurdt dan ek net samar dellein. Dit wurdt bepaald nei in analyze fan de ferkearsfeiligens:

• Hoefolle ûngelokken binne der west; wat foar soarte, en wat wie de oarsaak?
• Hoe heech is it persintaazje oertrêsdings: hoefolle minsken ride der te hurd?
• Past de snelheid by de dyk?
• Kin de ynrjochting fan de wei feroare wurde sadat der minder hurd riden wurdt?
• Is it dúdlik dat troch in flitspaal it tal ûngelokken minder wurde kin? Dan kin it Iepenbier Ministearje beslute om in flitspaal del te setten. Dit bart yn oerlis mei de plysje en de gemeente.

Op 30 km/oere wegen wurdt troch it OM gjin flitspalen pleatst.

Faak ferfangt de elektryske auto in benzineauto. Dus nimt de parkeardruk net ta. Wol probearje wy by ûndersochte parkeardruk in oplossing op maat te realisearjen.

Faak hat in elektrysk reau ek in levertiid. Dus as immen in elektryske auto besteld hat, freget men ek direkt in laadpeal oan. Ek moat in lokaasje foar in laadpeal oan alderlei easken foldwaan. It kin dêrom foarkomme dat de laadpeal net foar de doar fan de oanfreger komt.

Yn wenwiken pleatse wy dizze buorden net, omdat dykbrûkers yn wenwiken “spyljende bern” op 'e wei ferwachtsje kinne. Allinnich by drok besochte boarterstunen en skoallen yn de wenwiken pleatse wy soms dit buord. Ofhinklik fan de situaasje.

It is net mooglik om “somaar” in boerd (wen)erf te pleatsen oan it begjin fan in wenstrjitte/wenwyk.

In wenwyk is in strjitte wêrby't de klam tige sterk leit op de ferbliuwsfunksje: wenjen, boartsjen, kuierjen, ensafuorthinne. Parkeare yn in hiem kin allinnich yn parkearfakken dêr't in P yn stiet. Bûten dizze fakken is it ferbean te parkearen. Alle wenwiken binne of wurde ynrjochte as 30 km-sône wêrby't 'Duorsum Feilich' it útgongspunt is. Dat is in inisjatyf fan de ferskate Nederlânske oerheden om de ferkearsfeiligens fan it dykferkear te fergrutsjen, troch te rjochtsjen op it foarkommen fan ûngelokken.

In ûnderbuord útsûndere bestimmingferkear is net hanthavenber. Rjochters hawwe dêr útspraken oer dien. De plysje beboetet hjir dan ek net op. Hanthavening fan dit ferbod is gjin foech fan de gemeente, mar fan de plysje. Dêrneist hat de gemeente it doel om te kommen ta in helder stelsel fan ferkearsbuorden. De juste buorden op it juste plak. Sûnder oerstallige ferwizings. De gemeente stribbet dernei om sa min mooglik buorden te pleatsen. Salang't hjirtroch gjin wetlik en ûnjuste ferkearssituaasjes ûntstiet.

Yn in 30 km/sône is al it ferkear lyk, dit betsjut dat rjochts foarrang hat. Troch de foarrang net apart te regeljen is foar de dyk brûker de ferkearssituaasje dúdliker omdat oeral (ek lanlik) deselde regel jildt. Dit is in ferbettering foar de ferkearsfeiligens. In útsûndering op dizze regel binne krúspunten fan wykpaden mei fytspaden dy't ta de haadfytsstruktuer hearre. Dit soarte fytspaden wurde yn de foarrang ôfwikkele en is op strjitte sichtber makke mei bebuording en markearring.

Binnen in sône fan 30 km wolle wy leaver gjin fuotgongersoerstekplak oanlizze. Dit om't in zebrapaad soargje kin foar skynfeiligens. In zebrapaad (fuotgongersoerstekplak) wurdt allinnich by hege útsûndering by skoallen oanlein.

Soms is der sprake fan sichtbelemmerjende begroeiïng. Oer it algemien is yn in 30 km-sône allinnich sprake fan sichtbelemmering as de begroeiïng ticht by de râne fan de rydbaan komt en sa heech is dat it ferkear (fanút in fiertúch) der net oerhinne sjen kin. Stiet de begroeiïng op romme ôfstân fan de rydbaan, dan is der oer it algemien genôch mooglikheid, eventueel mei oanpaste faasje, oant it krúspunt op te riden en sa sicht te krijen op it krusende ferkear.

By hegere snelheden (bygelyks 50 km), kin al earder sprake wêze fan sichtbelemmering. Oft der sprake is fan sichtbelemmerende begroeiing wurdt troch de ferkearskundige fan de gemeente beoardiele. As der sprake is fan sichtbelemmerende begroeiing, is de eigener fan de beplanting ferplicht dizze te snoeien of eventueel te ferwiderjen.

As in muorre fan bygelyks in skuorre soarget foar sichtbelemmering, dan moat it ferkear harren gedrach oanpasse oan dizze situaasje. De gemeente nimt yn sokke gefallen normaal gjin maatregels.

Wy pleatse leaver gjin spegels. In spegel kin skynfeiligens jaan. Jo witte noait wis of in bestjoerder it ferkear op de krusende wei yn de spegel sjocht. Ek kin in spegel soargje foar in fertekend byld, wêrtroch't de snelheid fan it oankommende ferkear net goed ynskatte wurde kin. Ferkearsspegels binne ek net brûkber by elk type waar. Ek binne de spegels gefoelich foar fandalisme. Allinnich by hege útsûndering wannear't der gjin inkeld sicht is mei tastimming fan de gemeente in ferkearsspegel pleatst wurde. De kosten foar pleatsing en ûnderhâld binne dan foar de oanfreger sels.

It kin barre dat jo trillingen fiele by foarbyridend ferkear. Mien(n)e jo troch trillingen skea ûnderfûn te hawwen, dan kinne jo hjir oer in klacht yntsjinje. Yn de gemeente Opsterlân steane guon wenten op fean en/of ticht oan de wei. Hjir troch kinne jo trillingen fiele fan foarbyridend ferkear.

Dit hoecht net ta skea te lieden. Wannear't jo tinke dat dit wol it gefal is, moatte jo in spesjalisearre boukundich ekspert in rapport opstelle litte wêryn oantoand wurdt dat de skea feroarsake is troch dykferkear. Dat rapport kinne jo tegearre mei jo klachtomskriuwing skriftlik yntsjinje by it kolleezje fan B en W. Wy nimme dit dan yn behanneling.

Yn eltse strjitte moat frachtferkear komme kinne. Bygelyks om it hûsfal op te heljen, te ferhúzjen of om bestelde spullen te besoargjen. In ferbod beheint de berikberens fan jo wenning en de wenning fan jo buorlju. In ûnderbuord mei 'útsûndere bestemmingsferkear' is dêrom net mooglik.