Ofvalskieding
In soad griente- en fruitôffal komt yn de grize sortibak telâne. Dat it dêr net yn heart, witte jo fansels. Faak is it makliker om it yn de jiskefet te smiten of fine jo it net fris om gft-ôffal apart yn te sammeljen. Ôffal fan griente en fruit yn de griene biobak, en allinnich restôffal yn de grize sortibak. Dêr wolle wy nei ta.
Mear ynformaasje
Duorsumer, mar ek goedkeaper
Jo ôffal skieden is net allinnich better foar it miljeu, mar ek foar jo beurs is it goed. Want it leechmeitsjen fan de biobak kostet jo minder as it leechmeitsjen fan de sortibak. Wisten jo dat it leechmeitsjen fan de biobak € 0,50 kostet en it leechmeitsjen fan de sortibak € 6,75? Smyt dêrom minder griente- en fruitôffal yn de sortibak, dan hoege jo dizze minder faak oan de dyk te setten.
Elkenien minder ôffal
Ek befettet ôffal fan griente en fruit in soad focht en dat focht makket de sortibak ûnnedich swier. Minder gewicht yn de sortibak is wichtich, want wy hawwe yn Nederlân ôfpraat dat der yn 2020 maksimaal 100 kilo de persoan it jier oan restôffal wêze mei. Yn Opsterlân is it trochsneed gewicht no 106 kilo de ynwenner it jier. Der moat yn ús gemeente noch trochsneed 6 kilo minder yn de grize kontener telâne komme. Ôffal fan griente en fruit skeelt in soad yn it gewicht. Mar ek it noch better skieden ynsammeljen fan tekstyl, papier, glês en lytse elektryske apparaten draacht by oan it heljen fan de lanlike doelstellingen.
Handige links
