Beswier tsjin gemeentlike belestingen en/of WOZ-wearde

Binne jo it net iens mei de WOZ-wearde fan jo wenning of bedriuwspân?

Wy riede jo oan om earst goed nei te gean wêrom't de WOZ-wearde miskien heger is as jo ferwachte hiene. Besjoch hjirûnder de redenen wêrom't de WOZ-wearde heger útfalle kin. Wy geane út fan de situaasje sa't dy op 1 jannewaris ferline jier wie.

Wêrom leit de WOZ-wearde heger as ferwachte?

Wy riede jo oan om earst goed nei te gean wêrom't de WOZ-wearde miskien heger is as jo ferwachte hiene:

• Is de fraachpriis fan ferlykbere wenten, bedriuwspannen of perselen dy't te keap stean by jo yn 'e strjitte of yn it doarp rûnom de WOZ-wearde fan jo wenning, bedriuwspân of perseel?
• De gemiddelde lanlike wiziging fan de WOZ-wearde kin ôfwike fan de WOZ-wearde fan jo wenning, bedriuwspân of perseel. Opsterlân is in populêre gemeente om yn te wenjen en dêrom kin jo WOZ-wearde ôfwike fan it lanlike gemiddelde.
• Miskien hawwe jo it ôfrûne jier jo wenning ferboud of efterstallich ûnderhâld útfierd, wêrtroch't de WOZ-wearde is stige.
• Hawwe jo sels in taksaasjerapport dat in legere wearde fan jo wenning, bedriuwspân of persiel oanjout? Bedenk dan dat dizze taksaasje miskien in oar doel hân hat. Bygelyks foar de bank fanwegen in hypoteekferstrekking. Dêrtroch kin dizze wearde ferskille mei de WOZ-wearde.

Oanfraach

Nim foardat jo beswier meitsje earst kontakt op mei it Publykssintrum fan de gemeente, telefoan (0512) 386 222. As it direkt dúdlik is dat de belesting oanslach of de WOZ-wearde net klopt, dan is it soms net nedich om beswier yn te tsjinjen. Ek kin in ôfspraak wurde makke foar in persoanlik petear oer de WOZ-wearde. Tegearre mei in WOZ-takser wurdt dan besjoen oft der beswier yntsjinne wurde moat en wat de bêste arguminten foar it beswier binne.

Daliks regelje

Wolle jo digitaal beswier meitsje tsjin de gemeentlike belestingen en/of de WOZ-wearde? Folje dan binnen seis wiken nei dagtekening fan de oanslach it formulier 'Beswier gemeentlike belestingen' en/of it formulier 'Beswier WOZ-wearde' yn (boppe-oan dizze side ûnder it kopke 'Daliks regelje'). 

Beswier meitsje fia Sels WOZ beswier meitsje

Jo kinne ek ienfâldich beswier yntsjinje fia Sels WOZ beswier meitsje. De gemeente Opsterlân is oansluten by dit inisjatyf. 

Beswier yntsjinje per brief

Jo kinne ek beswier yntsjinje per brief. Stjoer binnen seis wiken nei de datum fan de oanslach in brief nei de gemeente. Hjiryn moat de folgjende ynformaasje stean:

• jo namme en adres;
• it adres fan it objekt dêr't jo beswier tsjin meitsje;
• de datum wêrop jo it beswier ferstjoere;
• tsjin hokker belesting jo beswier meitsje;
• de reden wêrom't jo beswier meitsje;
• it oanslachnûmer (dizze stiet op de belestingoanslach);
• jo ûndertekenje it beswierskrift mei jo hântekening.

As de gemeente jo beswierskrift ûntfongen hat, krije jo in ûntfangstbefêstiging. Hjir stiet de fierdere proseduere op fan it ôfhandeljen fan it beswierskrift.

Tsjinje jo beswier by foarkar sels yn

As jo in partij ynskeakelje om jo te helpen, binne dêr kosten foar ús oan ferbûn. Wy advisearje jo om sels beswier te meitsjen en nimme jo beswier tige serieus.

Yn dizze fideo lizze wy út wêrom't jo it bêste sels beswier yntsjinje kinne. Jo kenne jo wenning ommers it bêste!