Beswier meitsje gemeentlike belestingen en/of WOZ-wearde

Binne jo it net iens mei de WOZ-wearde fan jo wenning of bedriuwspân?

Wy riede jo oan earst goed nei te gean wêrom't de WOZ-wearde miskien heger is as jo ferwachte hiene. Besjoch hjirûnder de redenen wêrom't de WOZ-wearde heger útfalle kin. Wy geane út fan de situaasje sa't dy op 1 jannewaris ferline jier wie.

Wêrom leit de WOZ-wearde heger as ferwachte?

Wy riede jo oan earst goed nei te gean wêrom't de WOZ-wearde miskien heger is as jo ferwachte hiene:

• Ligt de fraachpriis fan fergelykbere wenningen, bedriuwspânen of perselen dy't te keap steane by jo yn 'e strjitte of yn it doarp om de WOZ-wearde fan jo wenning, bedriuwspân of perseel hinne?
• De gemiddelde lanlike wiziging fan de WOZ-wearde kin ôfwike fan de WOZ-wearde fan jo wenning, bedriuwspân of perseel. Opsterlân is in populêre gemeente om yn te wenjen en dêrtroch kin jo WOZ-wearde ôfwike fan it lanlike gemiddelde.
• Miskien hawwe jo it ôfrûne jier jo wenning ferboud of efterstallich ûnderhâld útfierd, wêrtroch't de WOZ-wearde stegen is.
• Hawwe jo sels in taksaasjerapport dat in legere wearde fan jo wenning, bedriuwspân of perseel oanjout? Betink dan dat dizze taksaasje miskien in oar doel hân hat. Bygelyks foar de bank fanwegen in hypoteekferliening. Dêrtroch kin dizze wearde ferskille mei de WOZ-wearde.

Oanfraach

Nim foardat jo beswier meitsje earst kontakt op mei it Publykssintrum fan de gemeente, telefoan (0512) 386 222.  As it daliks dúdlik is dat de belestingsoanslach of de WOZ-wearde net kloppet, dan is it soms net nedich om beswier yn te tsjinjen. Ek kin in ôfspraak makke wurde foar in persoanlik petear oer de WOZ-wearde. Tegearre mei in WOZ-taksateur wurdt dan besjoen oft der beswier yntsjinne wurde moat en wat de bêste arguminten foar it beswier binne.

Daliks regelje

Wolle jo digitaal beswier meitsje tsjin de gemeentlike belestingen en/of de WOZ-wearde? Folje dan binnen seis wiken nei dagtekening fan de oanslach it formulier 'Beswier gemeentlike belestingen' en/of it formulier 'Beswier WOZ-wearde' yn (boppe-oan dizze side ûnder it kopke 'Daliks regelje'). 

Beswier meitsje fia Sels WOZ beswier meitsje

Jo kinne ek ienfâldich beswier yntsjinje fia Sels WOZ beswier meitsje. De gemeente Opsterlân is oansletten by dit inisjatyf. 

Beswier yntsjinje per brief

Jo kinne ek beswier yntsjinje per brief. Stjoer binnen seis wiken nei dagtekening fan de oanslach in brief nei de gemeente. Hjiryn moat de folgjende ynformaasje stean:

• jo namme en adres;
• it adres fan it objekt dêr't jo beswier tsjin meitsje;
• de datum wêrop't jo it beswier ferstjoere;
• tsjin hokker belesting jo beswier meitsje;
• de reden wêrom't jo beswier meitsje;
• it oanslachnûmer (dit stiet op de belestingsoanslach);
• jo ûndertekenje it beswierskift mei jo hantekening.

As de gemeente jo beswierskift ûntfongen hat, krije jo in ûntfangstbefêstiging. Dêrop stiet de fierdere proseduere fan it ôfwikkeljen fan it beswierskift.

Tsjin jo beswier it leafst sels yn

As jo in partij ynskeakelje om jo te helpen, binne dêr kosten foar ús oan ferbûn. Wy advisearje jo om sels beswier te meitsjen en nimme jo beswier tige serieus.

Yn dizze fideo lizze wy út wêrom't jo it bêste sels beswier yntsjinje kinne. Jo kenne jo wenning ommers it bêste!