Bou fan MFC De Finne giet troch!
Justerjûn, 22 april, hat de gemeenteried unanym goedkarring jûn foar it boukredyt foar de realisaasje fan it nije multyfunksjoneel sintrum (MFC) oan de Flesleane yn Beetsterzwaag. Dizze ûntwikkeling hat in lange skiednis, mar no wurde grutte stappen set!
Gearwurking tusken belutsen partijen
Stichting Comprix, it bestjoer fan gearwurkingsskoalle ‘De Finne’, treedt op as bouhear fan it MFC en wurket gear mei de gemeente oan de ynfolling fan it iepenbier gebiet op dizze lokaasje. Tegearre mei de partners Kinderwoud en V.V. De Sweach wurdt it nije gebou realisearre.
Untwerp en útgongspunten
De ôfrûne oardel jier hat KHV Arsjitekten, yn gearwurking mei partners Nijeboer Hage, Dijkhuis, Noorman Advys en Projekt- en Boumanagement Giezen, it ûntwerp foar it gebou ûntwikkele. It resultaat is in kompakt gebou mei twa boulagen, wêrby't gearwurking en it dielde gebrûk fan romten sintraal steane. Dêrby binne alle wetlike easken en kaders soarchfâldich útwurke, en is der ek omtinken jûn oan it ferkear en de hel- en bringtastân fan bern.
De folgjende stappen
Mei de takinning fan it boukredyt kinne no de boufergunning oanfrege wurde en de oanbesteging foar de realisaasje starte wurde. Nei de simmerfakânsje sille de earste bouaktiviteiten fan start gean.
Ynrinnende jûn foar de buert
Op koarte termyn wurdt der in ynrinnende jûn organisearre foar de buert om it plan fierder ta te ljochtsjen.
Wethâlder Marcel van Opzeeland oan it wurd
“De ried hat justerjûn unanym ynstimd mei de komst fan MFC De Finne. Geweldich! De bou fan in MFC dêr't meardere partijen by belutsen binne, is in lang mar soarchfâldich trajekt west. De gearwurking mei Comprix, V.V. De Sweach en Kinderwoud foarmet in sterke basis. Tegearre sille wy fol fertrouwen de lêste stap sette: de bou!”
Mear ynformaasje?
