Kollektive isolaasje-aksje foar Fryske hûseigners
De gemeente Opsterlân is yn gearwurking mei oare Fryske gemeenten in isolaasje-aksje start. Dizze aksje is spesjaal foar eigeners fan in min isolearre wenning mei in WOZ-wearde ûnder it gemeentlik gemiddelde fan € 325.000,- (peiljier 2022). De subsydzje is beskikber fia it energyloket fan de gemeente.
Oanbod gemeente Opsterlân
Dizze aksje is ûnderdiel fan in lanlike subsydzje ûnder it Nasjonaal Isolaasjeprogramma. De Fryske gemeenten hawwe mei-inoar in bedrach fan 16,7 miljoen euro beskikber steld. Dêrtroch kinne ynwenners fan de gemeente Opsterlân yn oanmerking komme foar in subsydzje oant maksimaal € 2.177,- foar it isolearjen fan harren wenning.
Provinsjale oanfolling foar húshâldens mei in leech ynkommen
De provinsje biedt in ekstra subsydzje foar húshâldens mei in leech ynkommen. Hjirfoar is in bedrach fan 4,5 miljoen beskikber steld. Ynwenners mei in ynkommen oant 150% fan it wetlik sosjaal minimum kinne boppe-op de gemeentlike subsydzje oanspraak meitsje op maksimaal € 2.500,- ekstra.
Oanfragen fia it Energieloket
Duorsum Bouwloket, it energyloket fan de Fryske gemeenten, fiert dizze aksje út yn gearwurking mei lokale isolaasjebedriuwen. Sawol de gemeentlike as de provinsjale subsydzjes kinne ienfâldich yn ien kear oanfrege wurde. De aksje is oant 31 augustus 2026 oan te freegjen, mar kin earder einigje as it subsydzjebudzjet op is. Mear ynformaasje oer dizze aksje en de betingsten is te finen op: https://www.energieinopsterland.nl/isolaasjeaksje.
Stipe fanút de gemeente
Yn de gemeente Opsterlân binne Energyferkenners aktyf. Dit binne meiwurkers fan de gemeente dy't ynwenners fan begjin oant ein helpe by it ferduorsumjen fan harren wenning. Sy stypje bygelyks by it oanfreegjen fan dizze aksje en by it sammeljen fan de juste gegevens foar de ynkommens toets fan de provinsje. In ôfspraak meitsje kin fia energie@owo-gemeenten.nl.
