Kontrôle garaazjeboksen om brângefaar foar te kommen
De gemeente Opsterlân hat op tiisdei 9 desimber in previntive kontrôle útfierd by garaazjeboksen yn Opsterlân. Doel fan de aksje wie om te kontrolearjen oft de boksen feilich brûkt wurde en oft dit past binnen it bestimmingsplan. Dêrby is foaral sjoen nei it mooglik opslaan fan gefaarlike stoffen, om't dit risiko's opsmite kin foar de brânfeiligens. Sa wol de gemeente de feiligens fan ynwenners better garandearje.
Kontrôle
Under de kontrôle binne 127 garaazjeboksen kontrolearre. Dêrby binne gjin bysûnderheden oantroffen. De gemeente rjochtet him mei dit soarte aksjes op it foarkommen fan gefaarlike situaasjes, lykas brân of eksploazjes. Benammen it opslaan fan fjoerwurk of oare gefaarlike stoffen kin risiko's opsmite foar de eigner, omwenners en helptsjinsten.
Belang fan de kontrôle
De gemeente fynt it wichtich om dúdlik te meitsjen wêrom't dizze kontrôles nedich binne. Boargemaster Andries Bouwman: “It is wichtich om gefaarlike situaasjes yn wenwiken en op bedriuweterreinen foar te kommen. Mei dizze kontrôles krije wy dúdlik ynsjoch yn hoe't garaazjeboksen brûkt wurde. Wy sjogge earne oars yn it lân foarbylden wêrby't brângefaarlike situaasjes ûntstien binne yn sokke boksen. Dit moatte wy foarkomme.”
Ynset fan speurhûn
Under de kontrôle binne der spesjale hûnen ynset dy't gefaarlike stoffen opspoare kinne. Dizze hûnen kinne sels tige lytse hoemannichten werkenne, ek as se goed ferstoppe binne. Troch de ynset fan in speurhûn kin flugger en effektiver kontrolearre wurde, sûnder dat alle garaazjeboksen folslein iepene hoege te wurden.
Meld fertochte situaasjes
Hawwe jo it fermoeden dat der gefaarlike stoffen opslein wurde yn in garaazjeboks? Meld dit dan anonym by Meld Misdaad Anoniem (www.meldmisdaadanoniem.nl) of skilje 0800–7000.
Mear ynformaasje?
Hawwe jo noch fragen? Gean nei de side Belestingen of
