Trochfytsrûte
Gemeente Opsterlân makket tegearre mei de Provinsje Fryslân en gemeenten Hearrenfean en Smellingerlân in ‘trochfytsrûte’ tusken Drachten en Hearrenfean. De rûte komt lâns de doarpen Nij Beets, De Tynje en Lúkswâld. Op dizze side lêze jo hjir mear oer.
Hawwe jo fragen?
Hawwe jo fragen oer dit ûnderwerp? Stjoer dan jo berjocht nei bauke.mulder@opsterland.nl.
Wat is in trochfytsrûte?
In trochfytsrûte is in rappe fytsrûte foar langere ôfstannen. Jo kinne der lekker trochfytsje om't jo net folle hoecht te stopjen. De rûte is breed, feilich en goed oanlein, en benammen bedoeld foar minsken dy't alle dagen fytse, bygelyks nei it wurk of skoalle. De trochfytsrûte soarget derfoar dat fytsers bûten de beboude kom skieden fan motorisearre ferkear fytse kinne.
Wat is it doel fan in trochfytsrûte?
Wy wolle it fytsen tusken Drachten, Hearrenfean en de doarpen Nij Beets, Tynje en Lúkswâld feilich, oantreklik en komfortabel meitsje.
Komfortabel: In trochfytsrûte soarget derfoar dat fytsers ûntspannen en noflik trochfytse kinne. Net folle trillingen, brede fytspaden en dúdlike foarrangssituaasjes soargje derfoar dat fytsers ûntspannen fytse kinne.
Oantreklik: In trochfytsrûte is in oantreklike rûte. Dat betsjut dat dizze safolle mooglik skieden wurdt fan autoverkear en sa min mooglik lâns drokke diken rint. It is in rûte dêr't jo graach fytse.
Feilich: In trochfytsrûte is in feilige rûte om te fytsen. Frijlizzende fytspaden, fytsstrjitten en skieden fyts- en fuotpaden binne maatregels dy't soargje dat it feiliger fytsen wurdt.