Gemeente Opsterlân set yn op trochstreamlokaasjes foar statushâlders
De gemeente Opsterlân hat de opdracht om statushâlders te húsfestjen en om Oekraynske ûtheemden op te fangen. Troch de Spreidingswet hat de gemeente ek de wetlike ferplichting om asylsikers op te fangen. It kolleezje fan B&W hat de gemeenteried troch middel fan in diskusjenota frege hoe hjirmei om te gean. Mei op basis fan de útkomst fan dizze diskusje hat it kolleezje besletten no earst trochstreamlokaasjes foar statushâlders te ûndersykjen en de mooglikheid foar rappe wenoplossingen.
Trochstreamlokaasjes
In trochstreamlokaasje is in lokaasje dêr't statushâlders, dus minsken mei in ferbliuwsfergunning, tydlik ferbliuwe oant der in reguliere wenning foar harren beskikber is yn de regio. Statushâlders ferbliuwe no faak lang yn in asylsikerssintrum om't der krapte is op de wenningmerk. As statushâlders tydlik yn in trochstreamlokaasje wenje kinne, dan komme der wer opfangplakken frij yn asylsikerssintra yn Nederlân. Trochstreamlokaasjes ûntlêste dus asylsikerssintra yn Nederlân. Op dizze wize wol de gemeente bydrage oan in oplossing foar it asylfraachstik.
In oar aspekt fan trochstreamlokaasjes is dat statushâlders fan dêrút ek begjinne kinne mei harren ynboargering en maatskiplik bydrage kinne trochdat se bygelyks wurkje kinne.
De gemeente sil de mooglikheid foar trochstreamlokaasjes ûndersykje yn Oerterp, Gordyk en Beetstersweach. Yn Beetstersweach sil de gemeente al in konkrete lokaasje ferkenne, nammentlik soarchlokaasje Ikenhiem fan SúdEastSoarch. Troch de nijbou fan SúdEastSoarch komt it hjoeddeistige Ikenhiem leech te stean. Omwenners binne per brief ynformearre. Yn Gordyk en Oerterp is noch gjin sprake fan in konkrete lokaasje.
Rappe wenoplossingen
Fierder sil de gemeente Opsterlân yn alle doarpen yn de gemeente de mooglikheid foar rappe wenoplossingen ûndersykje. Dat binne wenten dy't rapper boud wurde kinne en dy't geskikt binne foar in bredere groep urgente wenningzoekenden.
Mear ynformaasje oer dit ûnderwerp kinne jo fine fia de ûndersteande knop.