Doarpssteunpunt Terwispel
Terwispel hat krekt as de measte doarpen yn Opsterlân in doarpsstipepunt. Jo kinne by it doarpsstipepunt terjochte foar help en tydlike stipe. Bygelyks as it (tydlik) net slagget om sels boadskippen te dwaan of de hûn út te litten. Of as jo lestige formulieren ynfolje moatte of in ferfiersprobleem hawwe. Hawwe jo ferlet fan in harkend ear, kuierke of gesellich praatsje? Ek dêrfoar binne jo wolkom by it doarpsstipepunt.
Sa wurket it doarpsstipepunt:
It doarpsstipepunt Terwispel is ûnderdiel fan Pleatslik Belang en bestiet út in wurkgroep en buertkontaktpersoanen. Der is regelmjittich kontakt mei it Gebietsteam fan de gemeente. It doarpsstipepunt helpt ynwenners mei fragen of problemen op allerhande gebieten. Jo fragen wurde altyd fertroulik behannele. Wy sykje earst nei in oplossing binnen it doarp, mei help fan frijwilligers. Is dat net mooglik of is profesjonele help nedich? Dan ferwize wy jo troch nei it Gebietsteam of in oare ynstelling.
It doarpsstipepunt Terwispel kinne jo berikke fia dit e-mailadres dorpssteunpuntterwispel@gmail.com
Foarbylden fan fragen oan it doarpsstipepunt:
- Ik haw muoite mei formulieren. Is der immen dy't my helpe kin?
- Ik wol graach ôf en ta mei ien prate, fytse of kuierje. Mei wa kin ik dat dwaan?
- Wêr kin ik terjochte mei fragen oer it alkohol- en drugsgebrûk fan myn puberjende teenager?
- Ik bin nij yn it doarp en wol graach earne by oanslute. Wat is der allegear te dwaan?
- Troch sykte of âlderdom kin ik myn túnwurk net mear dwaan. Wa kin my helpe?
- Ik kin net mei it iepenbier ferfier, mar wol dochs myn famylje besykje. Wat is der mooglik?
- Ik haw tydlik in rolstoel nedich. Wêr kin ik dy krije?
- Ik begryp de faktuer foar 'eigen bydrage' net. Wa kin my helpe?
- Hoe krij ik thússoarch as ik dat nedich haw?
Aktiviteiten en gearkomsten
It doarpsstipepunt organisearret foarljochtingsgearkomsten foar buertkontaktpersoanen en/of ynwenners fan it doarp. Dy gearkomsten geane oer allerhande ferskate ûnderwerpen. Bygelyks oer hoe't jo sa lang mooglik thús bliuwe kinne wenjen as jo âlder wurde. Mear ynformaasje oer de gearkomsten fine jo yn de doarpskrante. Uteraard fertelle de buertkontaktpersoanen jo ek graach mear oer de aktiviteiten yn it doarp!
Hawwe jo fragen dy't in professional beäntwurdzje moat?
Dan kinne jo ek direkt kontakt opnimme mei it Gebietsteam.
