Doarpsstipepunt De Tynje
De Tynje hat krekt as de measte doarpen yn Opsterlân in doarpsstipepunt. Jo kinne by it doarpsstipepunt terjochte foar help en tydlike stipe. Bygelyks as it (tydlik) net slagget om sels boadskippen te dwaan of de hûn út te litten. Of as jo lestige formulieren ynfolje moatte of in ferfiersprobleem hawwe. Hawwe jo ferlet fan immen dy't mei jo meitinkt oer mooglike oplossingen foar jo helpfraach? Of hawwe jo ferlet fan in harkjend ear, kuierke of gesellich praatsje? Ek dêrfoar binne jo wolkom by it doarpsstipepunt.
Sa wurket it doarpsstipepunt:
It doarpsstipepunt helpt ynwenners mei fragen of problemen op allerhande gebieten. Jo fragen wurde altyd fertroulik behannele. Wy sykje earst nei in oplossing binnen it doarp, mei help fan frijwilligers. Is dat net mooglik of is profesjonele help nedich? Dan ferwize wy jo troch nei it Gebietsteam of in oare ynstelling.
It doarpsstipepunt Tijnje kinne jo berikke fia dspdetynje@gmail.com
Foarbylden fan fragen oan it doarpsstipepunt:
- Ik haw muoite mei formulieren. Is der immen dy't my helpe kin?
- Ik wol graach ôf en ta mei ien prate, fytse of kuierje. Mei wa kin ik dat dwaan?
- Wêr kin ik terjochte mei fragen oer it alkohol- en drugsgebrûk fan myn puberjende teenager?
- Ik bin nij yn it doarp en wol graach earne by oanslute. Wat is der allegear te dwaan?
- Troch sykte of âlderdom kin ik myn túnwurk net mear dwaan. Wa kin my helpe?
- Ik kin net mei it iepenbier ferfier, mar wol dochs myn famylje besykje. Wat is der mooglik?
- Ik haw tydlik in rolstoel nedich. Wêr kin ik dy krije?
- Ik begryp de faktuer foar 'eigen bydrage' net. Wa kin my helpe?
- Hoe krij ik thússoarch as ik dat nedich haw?
Hawwe jo fragen dy't in professional beäntwurdzje moat?
Dan kinne jo ek direkt kontakt opnimme mei it Gebietsteam.
