Drank- en horekafergunning
Wolle jo as Undernimmer alkohol ferstrekke of skinke? Dan hawwe jo in drank- en horekafergunning nedich. Jo krije dizze fergunning as jo oan in tal easken foldogge. Dit jildt ek foar parakommersjele ynstellingen dy't alkohol skinke. Bygelyks sportkantines, wykgebouwen, klubhuzen, en tsjerken mei inseal.
Drank- en horekafergunning
De Drank- en Horecawet is yntusken per 1 july 2021 ferfongen troch de Alkohollwet.
Op grûn fan de Alkohollei is it ferbean om sûnder fergunning of ûntheffing alkohol te ferstreken.
- Skenke jo alkohol yn in hoarekabedriuw of ferkeapje jo alkohol yn in slijtersbedriuw, dan hawwe jo op grûn fan artikel 3 fan de Alkoholwet in alkoholfergunning nedich fan de boargemaster. Dit jildt sawol foar kommersjele ynrjochtings (kafees, restaurants en dergelike) as foar saneamde parakommersjele ynrjochtings (doarpshuzen, fuotbalkantines en dergelike).
- As jo alkohol skinke wolle ûnder in evenemint, dan kin de boargemaster dêrfoar ûntheffing ferliene op grûn fan artikel 35 fan de Alkohollwet.
Gjin fergunning nedich
Yn guon gefallen is der gjin fergunning nedich.
- Yn in winkel dêr't foaral libbensmiddelen of tabak en oanbesibbe artikels of útslutend swak-alkoholhâldende dranken al dan net tegearre mei alkohol frije dranken ferkocht wurde. Bygelyks in supermerk en libbensmiddelenwinkel.
- Yn in warenhûs mei in libbensmiddelenôfdieling, mei in flieroerflak fan teminsten 15 m², dêr't in fariearre assortimint oan ferpakte en ûnferpakte iten ferkocht wurdt.
- Yn in foar it publyk tagonklike besletten romte, dêr't foarnaamlik iten foar gebrûk ter plaatse en earne oars as ter plaatse plicht te wurden ferkocht, net synde in hoarekalokaliteit. Tink dêrby oan produkten, dy't yn in hannelspakket opnommen binne, dy't foar klantenferkeap bedoeld binne (bygelyks by in traiteur)
Jo meie yn de saak gjin alkohol priuwe litte.
Hoe wurket it?
- It fersyk om ûntheffing foar it ferstrekken fan alkohol by in evenemint kinne jo tagelyk dwaan by de oanfraach om de evenemintefergunning.
- It oanfreegjen fan in alkoholfergunning, op grûn fan artikel 3 fan de Alkohollwet, freget mear omtinken.
- Jo moatte dan oan diverse easken foldwaan (sa as bygelyks minimaal 21 jier wêze en yn besit wêze fan in SVH - Sosjale Hygiëne).
- Ofhinklik wêrfoar't de oanfraach dien wurdt, moatte ek dokuminten en/of bewiisstikken oanlevere wurde.
- Underdiel fan de proseduere om in alkoholfergunning is it opfreegjen fan ynformaasje by de Centrale Justitiële Dienst en de plysje.
- Dêrneist moatte jo – yn kommersjele gefallen – formulieren ynfolje mei betrekking tot een BIBOB-ûndersyk. Dit is in previntyf bestjoersrjochtlik ynstrumint foar oerheden om te foarkommen, dat in fergunning misbrûkt wurdt.
Sjoen de aard en omfang fan de oanfragen om in alkoholfergunning (op grûn fan artikel 3 fan de Alkohollwet) riede wy jo dan ek oan om kontakt op te nimmen mei de ôfdieling OWO-VTH om mear ynformaasje oer dit ûnderwerp te krijen.
Wat kostet it?
Foar de aktuele tariven kinne jo de Legesferoardering fan de gemeente Opsterlân rieplachtsje.
Oanfraach dwaan
Wolle jo in oanfraach dwaan of hawwe jo fragen?
Nim dan kontakt op mei it Publykssintrum
