Enerzjyferkenner

Wat sille jo dwaan?

Jo geane de ynwenners fan de gemeenten Eaststellingwerf, Weststellingwerf en Opsterlân helpe by de enerzjytransysje. Jo soargje derfoar dat se har heard en stipe fiele by it meitsjen fan soms lestige keuzes foar it oanpassen en enerzjyhiniger meitsjen fan harren wenning.

Jo sjogge nei wat minsken nedich hawwe en witte mei in kopke kofje en in goed petear it iis te brekken. Yn advysgesprekken beprate jo de mooglikheden foar wenningisolaasje, ynklusyf de mooglike subsydzjes en eventuele oare finansieringsmooglikheden. As it echt technysk wurdt, roppe jo de help yn fan enerzjy- en finansjele adviseurs.
Jo steane de ynwenners fan begjin oant ein by tidens it isolaasjeproses en dat dogge jo net fan efter in buro. Mei in persoanlik petear oan de keukentafel helpe jo bewenners harren hûs enerzjysunich te meitsjen. Jo witte dat elke bewenner en elke wenning oars is en mei jo minskekennis soargje jo derfoar dat elkenien yn syn of har eigen tempo it ferduorsummingsproses trochrinne kin. Wêr nedich helpe jo by it oanfreegjen en beoardieljen fan offertes en jo steane yn nau kontakt mei jo kollega's yn de OWO-gemeenten om de bewenner sa goed en folslein mooglik te ûntsoargjen. En ja, dêr heart ek papierwurk lykas it oanfreegjen fan de ISDE-subsydzje by. Wat de bewenner ek nedich hat, jo steane ree. 

Dit biede wy jo

• Oantreklike arbeidsbetingsten; in moai salaris neffens skaal 9 fan de cao-gemeenten (maks.
  € 4.811, - bruto per moanne by in folsleine wurkgelegenheid) in Yndividueel Kar Budget (IKB) fan 17,05%, in pensjoenregeling fia ABP en koarting op ferskate fersekerings.
• In ôfwikseljende baan; de iene dei hâlde jo in presintaasje foar ús frijwillige enerzjycoaches, de oare dei helpe jo in bewenner mei it oanfreegjen fan offertes by lokale bedriuwen.
• Folop kânsen om te ûntwikkeljen fia opliedings, kursussen en workshops op it mêd fan finansieringsmooglikheden, enerzjy-advisearring of technyske feardichheden dy't nedich binne foar de útoefening fan de funksje fan enerzjyferkenner.
• Romte foar jo ideeën; as jo tinke dat it oars kin steane wy dêrfoar iepen.
• Poerbêste wurk-/priveebalâns; jo krije fan ús in laptop en in mobile telefoan, sadat jo sawol thús as op kantoar wurkje kinne.
• Oandacht foar jo vitaliteit; dielname oan ús vitaliteitsprogramma, jierliks meardere aktiviteiten mei de hiele organisaasje en it team en in gesellich wurkkafee!
• In yntrajekt wêryn't jo jo fierder ûntwikkelje kinne. Periodyk evaluearje wy tegearre mei jo hoe't it giet en wat der oanfoljend nedich is.
• In goede wurksfear; op kantoar wurde jo begroete troch jo kollega's en oan humor ûntbrekt it hjir wis net. 

Wa binne jo?

Wy binne allegear oars en dat is moai. Dat makket dat wy tegearre folle mear berikke as allinnich. Dochs hawwe al ús enerzjyferkenners in oantal deselde skaaimerken. Herkenne jo josels hjiryn? 

• Jo wurkje graach mei oaren en leauwe der yn dat jo tegearre better binne.
• Jo hâlde der fan om dingen út te probearjen en it net even oars te dwaan.
• Jo wolle eltse dei it ferskil meitsje foar ús ynwenners.
• Jo fiele jo ferantwurdlik foar jo wurk en taken.
• Jo hawwe in iepen geast en steane iepen foar oare manieren fan tinken en dwaan.
• Jo binne in goede netwurker en ferbiner.
• Jo bringe minsken byinoar en komme sa ta moaie oplossingen.
• Jo meitsje maklik kontakt en witte it fertrouwen fan minsken te wekken.
• Jo hawwe ûnderfining mei subsydzje- en finansieringsmooglikheden op it mêd fan enerzjy of jo steane iepen om hjir mear oer te learen.
• Jo behearskje passyf de Fryske taal en as jo it ek sprekke kinne is dat foar in part fan ús ynwenners hiel noflik.
• Jo fine it hawwen fan fleksibele wurktiden gjin probleem en ek it wurkjen yn jûnsûren is foar jo gjin beswier.
• Jo hawwe in rydbewiis en eigen ferfier en fine it net slim om foar jo wurk in protte kilometers ôf te lizzen. 

Dit binne wy

Eaststellingwerf, Weststellingwerf en Opsterlân: trije plattelânsgemeenten yn Súdeast-Fryslân mei tegearre mear as 80.000 ynwenners, 55 doarpen, mei in ferskaat lânskip en in protte grien. Om't wy ferlykbere gemeenten binne wurkje wy in protte gear. Sa ek op it mêd fan de enerzjy- en waarmtetransysje. Eltse dei sette wy ús yn foar ús minsken en bedriuwen yn ús doarpen. Wy iepenje de doarren nei nije manieren fan dwaan en sjogge fierder as ús lânskippen rikke. Us motto? It kin wol. En wy leauwe dat it noch better wurdt as jo it tegearre dogge. 

In goede wurksfear, oan humor gjin tekoart, belangstelling foar elkoar en in high five foar in slimme oplossing. Wy steane iepen foar elkenien. En by ús meie jo wêze wa't jo binne. Jo krije de romte om jo wurk yn te rjochtsjen sa't by jo past. Wy fine jo ûntwikkeling wichtich en drage dêr graach oan by. En wy moedigje jo oan om op aventoer te gean. Wy jouwe jo de romte, pakke jo 'm? 

Hawwe jo fragen?

Lit it witte! Ik bin Lisanne Runhart (enerzjyferkenner) en myn telefoannûmer is 06 10017345. Jo meie my ek in WhatsAppberjocht stjoere. Elkoar moetsje en tegearre in bakje kofje drinke kin ek! 

Entûsjast wurden?

Lit sjen wa't jo binne en sollisitearje! Wa wit wurdt dit it begjin fan in moai aventoer. Benaderje ús op in manier dy't by jo past. Dit mei mei in brief en cv, in sollisitaasjefideo of op in oare manier. Wy litte ús graach ferrasse! Jo reaksje is wolkom oant en mei 11 maaie 2025.