Hanthavening en kontrôle

Bouhânthavening

Elkenien dy't bout of slopt, moat him oan de regels hâlde út it omjouwingsplan, it Beslút bouwwerken leefomgeving en de eventueel ferliende fergunning. De gemeente kin hanthavenjend optrede as immen him net oan dizze regels hâldt. Bygelyks as immen gjin omjouwingsfergunning krigen hat, mar dizze wol nedich is foar de wurksumheden. Of as der oare wurksumheden útfierd wurde dan wêrfoar de fergunning jûn is. Binne jo hjir tsjûge fan? Doch dan in melding leefomgeving.

Wike jo ôf fan de fergunning? Stel de gemeente dêr dan fan op 'e hichte foardat jo de wiziging útfiere. By ôfwikingen sjogge wy earst oft legalisaasje mooglik is. In bou-tafersjochhâlder kin út namme fan boargemaster en wethâlders de wurksumheden stillelizze litte as jo sûnder omjouwingsfergunning bouwe of as jo ôfwike fan de fergunning. In stilleggingsbefel kin mei direkte yngong yngien. Fanwege it yllegaal bouwen wurde ekstra kosten yn rekken brocht foar it behanneljen fan de oanfraach. As de fergunning wegere wurdt, moatte jo it yllegale bouwurk ôfbrekke.

Miljeuhanthavening

Ek op neilibjen fan de miljeuregeljouwing sjocht de gemeente ta, njonken de FUMO. Nettsjinsteande de regelmjittige kontrôles kin it barre dat jo oerlêst hawwe fan in bedriuw. Ek kinne jo der tsjûge fan wêze dat in bedriuw of partikulier bewust of ûnbewust de miljeuregels oertrêdt. Jo kinne dan in melding leefomjouwing dwaan.

Tafersjoch op it fuortheljen fan asbest

Tafersjoch op it fuortheljen fan asbest hat yn Opsterlân hege prioriteit. Oertredings en/of tekoartkommingen binne strafber. In opsetlike oertreding (asbest fuorthelje sûnder tastimming) wurdt sjoen as misdriuw. Mear ynformaasje fine jo op de side Asbest fuorthelje.

Hanthavening brânfeiligens

De gemeente en/of brandweer Fryslân voert brandveiligheidscontroles uit. Dit wordt zowel bij bestaande als nieuwe gebouwen gedaan. De eisen vanuit het Besluit bouwwerken leefomgeving en de voorschriften vanuit de omgevingsvergunning bepalen de inhoud van de brandveiligheidscontroles.

Boetes

De gemeente Opsterland kin sûnt 2011 foar bepaalde oerlêstfeiten sels boetes opleggen, bygelyks by oerlêst troch losrinnende hûnen of it stoarten of ferbaarnen fan ôffal. Dizze boete wurdt in bestjoerlike strafbetskikking (BSB) neamd. De bestjoerlike strafbetskikkings wurde oankundige troch Bûtengewoan Opsporingsambtenaren (BOA’s) fan de gemeente. De Offisier fan Justysje leit de strafbetskikking úteinlik op. It Centraal Justitieel Incassobureau (CJIB) ynt de boetes en de opbringsten geane nei it Ryk. De bestjoerlike strafbetskikking kin ek ynset wurde by de hanthavening fan miljeudelikten. Swiere oertredings binne útsûndere en wurde fia in proses-ferbaal ôfhannele. Bedriuwen wurde swierder beboete as partikulieren. Mear ynformaasje fine jo op www.cjib.nl en www.om.nl.

Dwangmiddels

By oertredings of net winske situaasjes krijt in oertreder de gelegenheid om it ûngedien te meitsjen. Gebeurt dit net, dan kin de gemeente twangmiddels tapasse:

• Last ûnder bestjoerstwang: de gemeente beëiniget de net winske situaasje troch sels yn te (litten) gripen. De kosten hjirfan binne foar de oertreder.
• Last ûnder twangsom: de oertreder wurdt ferplichte om binnen in bepaalde termyn eat te dwaan of nei te litten. As dit net bart, moat in twangsom betelle wurde.