Identiteitskaart
Jo freegje in identiteitskaart persoanlik oan by de gemeente. Jo geane hjirfoar nei it Publykssintrum yn it gemeentehûs yn Beetstersweach. Ek bern moatte foar harren oanfraach sels nei it gemeentehûs komme. Oant 12 jier hawwe se tastimming foar de oanfraach nedich. Hjirûnder lêze jo mear hjir oer. Nei 5 wurkdagen kinne jo jo identiteitskaart ophelje. Identiteitskaarten foar persoanen fan 18 jier en âlder binne 10 jier jildich. Persoanen jonger dan 18 jier krije in identiteitskaart dy't 5 jier jildich is. Let op: wy wurkje allinnich op ôfspraak.
Meitsje in ôfspraak
Is jo identiteitskaart aanst net mear jildich? Wachtsje dan net oant jo it nije dokumint echt nedich hawwe, mar meitsje no alvast in ôfspraak. Fanwege de paspoartpeak is it nammentlik ekstra drok. De wachttiden foar in ôfspraak rinne hieltyd fierder op, wis nei de skoalfakânsjes ta.
Nim mei
- Alle identiteitsbewizen en paspoarten dy't jo hawwe (ek ferrûne dokuminten en bûtenlânske reisdokuminten).
- In geskikte pasfoto. Let op de jildende easken. De pasfoto mei maksimaal 6 moanne âld wêze.
- Pinpas of kontant jild. Jo betelje it identiteitsbewiis direkt by de oanfraach.
- Hawwe jo kwytskeldings foar gemeentlike belestingen? Nim dan de brief dy't jo hjiroer ûntfongen hawwe mei. Mooglik komme jo yn oanmerking foar in fergese identiteitskaart.
- Bern oant 12 jier hawwe tastimming nedich fan alle minsken dy't it gesach oer it bern hawwe. Meastentiids binne dit de âlden. Jo kinne de tastimming online regelje mei DigiD. Leaver op papier? Download dan hjirûnder de tastimmingsferklearring as PDF en nim dizze mei nei jo ôfspraak. Ferjit net de legitimaasjebewizen (gjin kopy!) fan de gesachhawwer(s) mei te nimmen!
Regelje de tastimming onlineKosten
| Soarte | Priis |
|---|---|
| Identiteitskaart foar persoanen fan 18 jier en âlder | € 78,50 |
| Identiteitskaart foar persoanen fan 18 jier en âlder mei spoedoanfraach | € 135,50 |
| Identiteitskaart foar persoanen oant en mei 17 jier | € 42,00 |
| Identiteitskaart foar persoanen oant en mei 17 jier mei spoedoanfraach | € 101,00 |
Bysûnderheden
Spoedoanfraach
Hawwe jo jo identiteitskaart gau nedich? Doch dan in spoedoanfraach. Jo kinne de identiteitskaart dan binnen 2 wurkdagen ophelje. Binne jo jo âlde identiteitskaart kwyt? Dan is in spoedoanfraach soms net mooglik.
Kwyte of stellen
Binne jo jo identiteitskaart kwytrekke of is dizze stellen? Jo hoege net mear earst oanjefte te dwaan by de plysje. Meitsje in ôfspraak by it Publykssintrum om del te kommen en in nij dokumint oan te freegjen. Hawwe jo it fermiste paspoart destiids yn in oare gemeente as Opsterlân oanfrege? Meld dit dan telefonysk foardat jo delkomme, sadat wy ynformaasje út de oare gemeente opfreegje kinne. Is der in fermoeden fan misbrûk? Dan wurdt de plysje ynskeakele. Misbrûk wurdt strang oanpakt!
Identifikaasjeplicht
Yn guon gefallen binne jo ferplichte om jo te identifisearjen oan de hân fan in jildich identiteitsbewiis. Bygelyks as jo medyske soarch nedich hawwe, moatte jo in jildich identiteitsbewiis sjen litte oan de soarchferliener. Lês mear oer de identifikaasjeplicht op de webside fan de Rijksoverheid.
