Jeugdhulp
Alle bern hawwe it rjocht om feilich en sûn thús, yn harren eigen omjouwing, op te groeien.
It Gebietsteam is ferantwurdlik foar:
- help en stipe by opgroei- en opfiedproblemen;
- de útfiering fan kinderbescherming en jeugdreclassering;
- de oanpak fan bernemishanneling en húslik geweld;
- spesjalistyske help foar jongeren mei in ferstanlike beheining;
- de geastlike sûnenssoarch of sletten jeugdzorg.
As dat net fanselssprekkend is, of as jo dêrby stipe nedich hawwe, kinne jo terjochte by it Gebiedsteam. Us konsulinten helpe jo en jo bern(s) wer op wei.
Soms is der ekstra soarch of beskerming by nedich. Tink bygelyks oan geastlike sûnenssoarch, pleechsoarch of jeugdbeskerming. It Gebietsteam regelet dit dan foar jo.
Ferwiisynteks
It Gebietsteam wurket, krekt as oare profesjonele soarchoanbieders, mei de Ferwiisindeks. De Ferwiisindeks is in systeem wêryn soarchprofessionals in sinjaal krije as in bern troch meardere ynstânsjes begelaat/holpen wurdt. Troch dat fan elkoar te witten kinne sy gearwurkje om sa de begelieding en soarch op elkoar ôf te stimmen. Sjoch foar mear ynformaasje op www.verwijsindexfryslan.nl.
Sam& foar alle bern
Hawwe jo in leech ynkommen en slagget it finansjeel net om jo bern mei te litten dwaan oan ekstra skoalaktiviteiten, sport of bygelyks muzykles? Fia 'Sam& foar alle bern' kinne jo in oanfraach dwaan foar skoalspullen, sporten, muzykles, in jierdei fiere of in útje. Sjoch foar mear ynformaasje op www.samenvoorallekinderen.nl.
Mear ynformaasje
Opfiedtips nedich? Sjoch ris op www.opvoeden.nl
Hawwe jo fragen of stipe nedich?
