Learlingeferfier
Alders fan bern dy't nei skoalle geane, regelje sels it ferfier. Faak is de skoalle tichtby, sadat bern rinne of fytse kinne. Mar wat as jo bern nei in spesjale skoalle moat dy't fierder fuort leit? Of as der gjin skoalle yn de buert is dy't past by jo leauwe of oertsjûging? Yn dat gefal kinne wy mei jo meitinke. Op dizze side lêze jo hoe't it wurket.
Daliks regelje
It ferfier fan jo bern nei skoalle is lestich
Elk bern hat rjocht op ûnderwiis. As âlder soargje jo derfoar dat jo bern alle dagen nei skoalle giet. Jo bringe jo bern, of jo bern giet selsstannich nei skoalle, meastentiids is dat gjin probleem. Foar guon bern is it ferfier nei skoalle wat lestiger. Bygelyks om't se in beheining hawwe of nei in spesjale skoalle geane dy't fier fan hûs stiet.
Yn petear mei de Wmo-konsulint
Slaget it net om jo bern nei skoalle te bringen? Dan beprate jo mei de Wmo-konsulint hokker problemen der binne. Tegearre sjogge wy nei de mooglikheden. Earst sjogge wy oft jo bern leare kin om selsstannich nei skoalle te reizgjen. Bygelyks mei de fyts of de bus. In oare opsje is tegearre reizgje mei de bus of mei de auto. In fergoeding is dan mooglik. Slaget dit net? Dan is (foar in part) taksyferfier miskien in opsje.
Hawwe jo in fraach? Nim dan kontakt op mei de Wmo-konsulint.
Der binne betingsten foar learlingferfier
Jo komme miskien yn oanmerking foar learlingferfier, as de skoalle fan jo bern fierder as 6 kilometer fan jo hûs stiet. Dit jildt foar de folgjende skoallen:
- In reguliere basisskoalle
- Spesjaal basisûnderwiis (SBO)
- Spesjaal ûnderwiis (SO)
- Fuortset (spesjaal) ûnderwiis
- Beropsûnderwiis (oanfreegje fia UWV)
Der is in soad mooglik. Sa kinne jo in fergoeding krije foar it fytsen of it OV-abonnemint fan jo bern. Foar de begelieder dy't meigiet (jo, of immen oars) jildt dit ek. It hinget ôf fan jo ynkommen en de ôfstân fan de skoalle hoefolle de fergoeding is. Soms moatte jo sels ek in part betelje.
De mooglikheden:
Fyts
Earst sille wy sjen oft jo bern (tegearre mei jo) nei skoalle fytse kin.
Mooglik kinne jo in kilometerfergoeding krije foar de fyts.
Bus
Slacht it net mei de fyts? Soms is in busabonnemint ek in opsje. It kin in moaie kâns wêze foar jo bern om te learen selsstannich mei it iepenbier ferfier te reizgjen.
.
Auto
Kin jo bern (noch) net selsstannich reizgje? Of is de reistiid fan de bus te lang? Jo kinne mei de auto gean. Jo of immen út jo netwurk bringt jo bern nei skoalle. Kilometerfergoeding is mooglik.
Taksi
De lêste opsje is oanpast ferfier, bygelyks mei in taksybuske. Jo bern wurdt ophelle en nei skoaltiid wer thúsbrocht.
