Meldpunt problemen mei ferhierder

Under goed ferhierderskip wurdt ferstien:

1. De ferhierder mei net diskriminearje.
2. De ferhierder mei jo net yntimidearje. Dat kin sawol fysyk as skriftlik wêze;
3. In eventuele boarchsom mei maksimaal twa kear de hierpriis bedrage;
4. De ferhierder moat de hieroerienkomst skriftlik fêstlizze, dêr't yn opnommen:
   • de rjochten en plichten fan de hierder;
   • dúdlike ôfspraken oer in eventuele boarchsom;
   • kontaktgegevens fan de behearder;  
   • kontaktgegevens fan it lokale meldpunt problemen mei ferhierders;
   • regels oer de servicekosten;
   • de berekkening fan de puntetelling konform it wenningwurdearringsstelsel mei de dêrby hearrende hierpriis.
5. Betelje jo servicekosten? Dan moat de ferhierder by it oangean fan de hieroerienkomst hjirfan in spesifikaasje jaan.  
6. De ferhierbemiddelaar mei gjin dûbele bemiddelingskosten yn rekken bringe. Dizze kosten binne foar de ferhierder (de partij dy't de bemiddelaar ynhieret).
7. Foar it lege- en middenhiersegmint (oant en mei 186 punten) is it ferbean wenromte djoerder te ferhieren as it tal punten yn it woningwurdearringsstelsel oanjout. 
8. It is ferbean in hierferheging ta te passen dy't it maksimaal tastiene hierferhegingspersintaazje oerskriuwt.
9. Binne jo in arbeidsmigrant? In hieroerienkomst moat apart fan de arbeidsoerienkomst tekene wurde.
10. De ferhierder moat de ûnder punt 4 neamde ynformaasje ferstrekke yn de troch jo winske taal.

De hiele wettekst kinne jo lêze op: wetten.nl - Regeling - Wet goed ferhierderskip - BWBR0048028 (overheid.nl)

Wy hawwe in meldpunt ynsteld dêr't hierders en wenningzoekenden terjochte kinne as se ûngewoane gedrach ûnderfine fan ferhierders of ferhierbemiddelaars. Jo kinne ûngewoane gedrach melde as:

• jo as wenningzoekende fan in partikuliere hierwenning konfrontearre wurde mei gedrach dat yn striid is mei de earder neamde algemiene gedrachsregels foar goed ferhierderskip;
• jo in wenning hiere fan in partikuliere ferhierder dy't him net oan de algemiene gedrachsregels hâldt. 
• jo fia in ferhierbemiddelaar op syk binne nei in hierwenning en de ferhierbemiddelaar him net hâldt oan de algemiene regels foar goed ferhierderskip. In ferhierbemiddelaar is immen dy't hierders yn kontakt bringt mei partikuliere ferhierders;
• jo in bûtenlânske wurknimmer binne mei in wurk-hierkontrakt. Jo wurkje en wenje dan fia bygelyks in útsenburo;
• jo in wenning hiere en fermoedzje dat de hier net neffens rjochtlinen fêststeld is of de hierpriisferheging net neffens de regels is. 

Hiere jo in wenning by Elkien, WoonFriesland of Woonzorg Nederland? Foar klachten en meldingen oangeande de hichte fan de hierpriis en de jierlikse hierferheging kinne jo in melding dwaan by de gemeente. Foar de oare klachten oer goed ferhierderskip moatte jo de melding by de betreffende korporaasje sels yntsjinje.  

Erfârt jo problemen of swierrichheden dy't noch net binne beneamd? Dan kin de gemeente hjir net op hanthavenje. Oare mooglikheden foar help binne de hierkommisje of it juridysk loket.

• Hierkommisje: is in ynstânsje dy't help biede kin by hiersaken dêr't jo oan twivelje: www.huurcommissie.nl. De Hierkommisje is in ûnpartidige en ûnôfhinklike geskillebesljochter foar hierders en ferhierders. Sy kinne help biede as jo it net iens binne oer bygelyks de hierpriis, ûnderhâld of servicekosten. De Hierkommisje docht in útspraak oan de hân fan wet- en regeljouwing en docht in útspraak dêr't beide partijen har oan hâlde moatte.
• Juridysk loket: It Juridysk Loket jout fergees online juridysk advys oer saken rûbdom wenjen en buorlju. Hawwe jo in leech ynkommen en net folle spaargeld? Dan kinne sy jo ek persoanlik fierder helpe. Wonen en Buren | Het Juridisch Loket