Riedsgearkomste op moandei 15 desimber
De gemeenteried fergaderet op moandei 15 desimber foar de lêste kear dit jier. De gearkomste begjint om 19.30 oere yn de riedsseal fan it gemeentehûs yn Beetsterzwaag. Jo binne fan herte wolkom yn de riedsseal, mar sjoen de beheinde kapasiteit fan de publike tribune moatte jo jo wol oanmelde. Der is plak foar tritich persoanen. Jo kinne hjirfoar de grifffy maile oant moandei 15 desimber 12.00 oere: griffie@opsterland.nl.
De aginda fan de beslútfoarmjende riedsgearkomste folget út de oriïntearjende riedsgearkomsten fan 1 en 2 desimber 2025. De hamerstikken wurde earst behannele. Oer de hamerstikken (H) giet de ried net mear yn debat, hjir wurdt allinnich noch oer stimd. Nei de hamerstikken folgje de besprekstikken (B). Oer de besprekstikken wurdt earst noch praat en dêrnei stimd.
Underwerpen beslútfoarmjende riedsgearkomste:
- Wizigingsplan wolstânskader Nij Beets-Doarpsstrjitte 2 (H)
- Begrutingswiziging desimber 2025 (H)
- Algemiene Feroardering Undergrûnske Ynfrastruktuer (H)
- Feroardering Hert foar de Jeugd gemeente Opsterlân 2026 (H)
- Feroardering ûnreplikguodbelestingen Opsterlân 2026 (H)
- Feroardering rioelheffing Opsterlân 2026 (H)
- Finansjele feroardering Opsterlân 2025 (H)
- (Wer)beneaming en ûntslach leden Gemeentlike advyskommisje omjouwingskwaliteit 2026 (H)
- Trochstreamlokaasje De Twirre Ureterp (B)
- Beskikber stelle kredyt fernijbou Singelland BHS Gorredijk (B)
- Feroardering ôffalstoffenheffing en reinigingsrjochten Opsterlân 2026 (B)
- Feroardering lykbesoargingsrjochten 2026 (B)
- Feroardering op de heffing en ynfoardering fan leges gemeente Opsterlân 2026 (B)
Mear ynformaasje, lykas de gearkomstestikken en de live-útstjoering, fine jo op de gemeentewebside: opsterland.nl/raadsvergaderingen. Jo kinne ek kontakt opnimme mei de grifffy, berikber op wurkdagen fia telefoan (0512) 386 333 en e-mail griffie@opsterland.nl.
