PGB jeugd & WMO
Jo kinne foar josels of foar jo bern in helpfraach stelle oan it gebietsteam. It gebietsteam bekijkt oft de helpfraach direkt te beäntwurdzjen is of dat in petear nedich is. As it nedich is, kin dizze helpfraach liede ta in oanfraach foar help fanút de Jeugdwet of Wmo.
As by it petear bliken docht dat jo yn oanmerking komme foar help fanút de Jeugdwet of Wmo, wurdt sjoen nei de foarm fan soarch of ûndersteuning. De foarm kin wêze ‘Soarch yn Natura’ (ZIN) of ‘persoansbûn budzjet’ (PGB). By ZIN makket de gemeente ôfspraken mei soarchorganisaasjes om jo te ûntsoargjen. By in PGB moatte jo dit sels dwaan, hjir kinne risiko’s oan sitte. Jo kinne net foar alle foarmen fan help in PGB oanfreegje.
Om foar in PGB yn oanmerking te kommen moatte jo PGB-feardich wêze. Mei de infographic Checken 10 punten pgb-feardigheid (overheid.nl), kinne jo kontrolearje oft jo PGB-feardich binne.
Jo moatte oan in oantal betingsten en ferplichtingen foldwaan:
- In soarchoerienkomst (kontrakt) ôfslute mei jo helpferliener en de helpferliener oanstjoere,
- De administraasje byhâlde. Dit meie jo dwaan mei help fan oaren, mar jo meie dêrfoar net immen út it PGB betelje. Ek mei jo helpferliener of helpferlieningorganisaasje dy't jo help biedt net ek jo PGB beheare.
- In PGB-plan meitsje. In PGB-plan is in dokumint wêryn jo skriuwe hoe't jo de help regelje wolle. Dit plan leverje jo yn by it gebietsteam tegearre mei de soarchoerienkomsten dy't jo fan plan binne ôf te sluten. Foar sawol it PGB-plan as de oerienkomsten binne formulieren beskikber dy't jo brûke moatte. De gemeente kent jo in PGB ta wannear jo oan de betingsten foldogge. Dat betsjut dat jo útlizze wêrom yn jo situaasje ZIN fan de gemeente net passend is.
- Derfoar soargje dat de tsjinsten, helpmiddels en oanpassings, dy’t jo mei it PGB ynkeapje, fan goede kwaliteit en feilich en binne. Fia it PGB-plan moatte jo sjen litte dat dat sa is.
Sjoch foar mear ynformaasje op:
- PGB foar jeugdhulp Pgb foar jeugdhulp | De Jeugdwet | Regelhulp - Ministerie van VWS en yn ús Verordening Hart voor de Jeugd (dit is de âlde ferordening, der moat t.z.t. in nije link makke wurde)
- PGB foar Wmo-stipe Pgb foar Wmo-stipe | De Wmo | Regelhulp - Ministerie van VWS
