Tidens de riedsgearkomsten en de oriïntearjende riedsgearkomsten wurde der live-opnamen makke. Dizze binne, ek nei de gearkomsten, werom te sjen op de gemeentlike riedswebside.
Wannear fergadert de gemeenteried? De gemeenteried fergadert yn prinsipe 2 kear yn 'e moanne. De aginda's wurde publisearre op de gemeentepagina yn de Sa en op de webside fan de gemeente.
In motsje is in middel wêrmei't ien of mear riedsleden in diskusjepunt foarlizze kinne oan in gearkomste. Tidens de beslútfoarmjende gearkomste wurdt der oer it yntsjinne motsje stimd.
In amendemint is in foarstel om it beslút sa't foarsteld (troch it kolleezje) is te feroarjen. It kolleezje bereidt de measte riedsfoarstellen foar en docht dêr in konseptbeslút by. Oer in amendemint wurdt tidens de beslútfoarmjende riedsgearkomste stimd.
Hjir fine jo in oersjoch fan de skriftlike fragen dy't troch riedsleden steld binne oan it kolleezje. Sadree't it kolleezje in antwurd op dizze fragen formulearre hat, wurde dy hjirby tafoege.
Binne jo nijsgjirrich nei wat riedsleden dogge en hoe't de gemeenteried wurket? Of hawwe jo altyd al in riedsgearkomste bywenje wollen? De gemeenteried fan Opsterlân wol ynwenners graach yn 'e kunde komme litte mei it politike bestjoer fan de gemeente.
