Reklamebelesting
Undernimmers yn De Gordyk betelje reklamebelesting as sy reklame-uterings hawwe dy't fan de dyk ôf sichtber binne. Bygelyks foar in logo op it pân of in reklameboerd op de stoep.
Undernimmersfûns Gordyk
De WHI en OKO út Gordyk hawwe de gemeente frege om in ûndernimmersfûns te starten mei as doel it ekonomysk funksjonearjen fan it sintrumgebiet nije ympulsen te jaan. Dit fûns wurdt finansjeel fieden mei de opbringsten fan de reklamebelesting. De gemeenteried hat hjirmei ynstimd. Foar it behear fan de jilden is Stichting Undernimmersfûns Gordyk oprjochte.
Mei it jild út it fûns organisearje de ûndernimmersferienings yn it sintrum allerhanne aktiviteiten, bygelyks sinteklaasyntocht, promoasje ûnderlinge aksjes, ferljochting en blombakken sintrum ensfh.
Hichte fan de reklamebelesting
De hichte fan de reklamebelesting is ôfhinklik fan de WOZ-wearde fan it bedriuwsdiel fan it pân.
Tariven reklamebelesting
|
WOZ-wearde |
Tarief reklamebelesting |
|---|---|
|
€ 0 - € 50.000 |
€ 150 |
|
€ 50.000 - € 100.000 |
€ 250 |
|
€ 100.000 - € 200.000 |
€ 350 |
|
€ 200.000 - € 350.000 |
€ 450 |
|
€ 350.000 - € 500.000 |
€ 550 |
|
€ 500.000 - € 750.000 |
€ 650 |
|
€ 750.000 of heger |
€ 750 |
Betelling fan de oanslach
Op de efterside fan it oanslachbiljet stiet oanjûn hoe't jo de oanslach betelje kinne. As jo de gemeente machtige hawwe om de belestingen automatysk fan jo rekken ôfskriuwe te litten, dan jildt dat ek foar dizze oanslach. De ôfskriuwing fynt plak oan 'e ein fan 'e moanne. As jo gjin gebrûk meitsje fan automatyske ynkasso kinne jo gebrûk meitsje fan de gegevens op de oanslach.
Kwijtskelling
Jo kinne foar de reklamebelesting gjin kwijtskelling krije.
Beswier
As jo it net iens binne mei de oanslach kinne jo in beswierskreaun yntsjinje. Op de efterside fan it oanslachbiljet stiet fermeld hoe't jo dit dwaan moatte.
Mear ynformaasje
De opbringst fan de reklamebelesting giet hast folslein (as gemeentlike subsydzje) nei de Stichting Undernimmersfûns Gorredijk. De stichting brûkt de subsydzje foar mienskiplike eveneminten en aktiviteiten yn Gorredijk. Yn de feroardering “Feroardering op de heffing en ynfoardering fan reklamebelesting Gorredijk” stiet alle ynformaasje oer de reklamebelesting yn Gorredijk.
Foar mear ynformaasje oer de reklamebelesting kinne jo kontakt opnimme mei it Publykssintrum fia telefoannûmer (0512) 386 222.