Rydbewiis
Is jo rydbewiis aanst net mear jildich? Fia de webside fan de Rykstsjinst Wegferkear (RDW) kinne jo maklik jo rydbewiis ferlingje. Binne jo slagge foar jo rydeksamen? Meitsje dan in ôfspraak by it Publykssintrum om jo earste rydbewiis oan te freegjen. In rydbewiis is meastentiids tsien jier jildich.
Rydbewiis online ferlingje
Jo rydbewiis kinne jo maklik online ferlingje fia de webside fan de RDW. Jo hoege dan allinnich noch mar del te kommen om it nije rydbewiis op te heljen (op ôfspraak). Dat kin al nei twa wurkdagen.
Delkomme om in rydbewiis oan te freegjen
Om foar it earst in rydbewiis oan te freegjen, moatte jo delkomme by it Publykssintrum. Ek foar it fernijen fan in fermist rydbewiis moatte jo altyd nei it gemeentehûs komme. Wolle jo jo rydbewiis ferlingje of in kategory tafoegje? Dan kinne jo dit ek ienfâldich online regelje.
Om in rydbewiis oan te freegjen by it Publykssintrum, moatte jo in ôfspraak meitsje. Nim it folgjende mei nei jo ôfspraak:
- In jildich ID-bewiis (rydbewiis, paspoart of ID-kaart).
- Pasfoto. Let op de jildende easken. De pasfoto mei maksimaal 6 moanne âld wêze.
- Jo pinpas of kontant jild. It rydbewiis moat by de oanfraach wurde betelle.
- By ferlinging: jo hjoeddeiske rydbewiis.
Jo hawwe it rydbewiis ophelje
Binne jo by ús yn it Publykssintrum west om jo rydbewiis oan te freegjen of te ferlingjen? Dan kinne jo it nei fiif wurkdagen ôfhelje. Hawwe jo jo rydbewiis online fia de RDW ferlinge? Dan leit it al nei twa wurkdagen foar jo klear. It ôfheljen fan in rydbewiis kin allinnich op ôfspraak. Meitsje direkt online in ôfspraak.
Kosten
| Soarte | Priis |
|---|---|
| Rydbewiis | € 52,00 |
| Rydbewiis mei spoedoanfraach | € 91,50 |
| Sûnensferklearring | € 45,25 |
Spoedoanfraach
Hawwe jo it rydbewiis mei spoed nedich? It is mooglik om in rydbewiis mei spoed oan te freegjen. Jo kinne it rydbewiis dan binnen 2 wurkdagen ôfhelje. Oan dizze spoedproseduere binne ekstra kosten ferbûn.
Rydbewiis kwyt of stellen?
As jo rydbewiis fermist of stellen is, hoege jo gjin oanjefte te dwaan by de plysje. Jo moatte it wol melde by it oanfreegjen fan in nij rydbewiis. Wy blokkearje dan jo rydbewiis en meitsje in Ferklearring fan fermissing. Nei ûndertekening kinne jo opnij in rydbewiis oanfreegje. It oanfreegjen fan in rydbewiis nei fermissing kin net online, jo moatte hjirfoar dus in ôfspraak meitsje om del te kommen. Jo kinne de fermissing wol online trochjaan oan de RDW. Dêrnei moatte jo asnoch in ôfspraak meitsje om yn it gemeentehûs del te kommen foar in nij rydbewiis.
Medyske keuring
Yn in oantal gefallen moatte jo medysk keurd wurde foardat jo jo rydbewiis ferlingje kinne:
- As jo in rydbewiis C, D, CD of DE hawwe.
- As jo âlder binne as 70 en jo hjoeddeiske rydbewiis ferrint as jo 75 jier of âlder binne. Jo krije yn dit gefal in rydbewiis dat 5 jier jildich is.
- As jo 75 jier of âlder binne.
Online ynlogge mei jo rydbewiis
Hawwe jo jo rydbewiis ophelle? Dan krije jo binnen fiif wurkdagen in brief mei in pincode fan DigiD. Sûnt 1 july 2023 kinne jo jo rydbewiis nammentlik brûke om online yn te loggen. Bygelyks by oerheidswwebsides of offisjele ynstânsjes. Mei de pincode yn de brief kinne jo dizze funksje aktivearje. Jo kieze sels of jo dit wolle of net. Hawwe jo de brief net krigen? Dan kinne jo binnen 6 wiken by DigiD in nije brief mei pincode oanfreegje. Sjoch op de webside fan DigiD foar mear ynformaasje hjir oer.
