Subsydzje oanfreegje by it Iepen Mienskipsfûns of it LEADER-programma
Ynwenners mei in goed inisjatyf om de leefberens yn de gemeenten Hearrenfean, Eaststellingwerf, Opsterlân, Smellingerlân of Weststellingwerf te ferbetterjen, kinne fan 17 maart o/m 10 april wer subsydzje oanfreegje út it Iepen Mienskipsfûns of út it LEADER-programma. Mei in bydrage út ien fan dizze subsydzjeregelingen makket de provinsje Fryslân inisjativen út de mienskip mooglik.
Fia it Iepen Mienskipsfûns stelt de provinsje ienmalich subsydzje beskikber foar inisjativen dy't ôfkomstich binne út de mienskip. Tink bygelyks oan inisjativen op it mêd fan leefberens, kultuer, natuer, wolwêzen of sport.
Oan in projekt kin ienmalich maksimaal € 50.000 subsydzje ferliend wurde.
Wat is LEADER?
LEADER is in Europeesk subsydzjeprogramma foar de fersterking fan it plattelân. It giet dêrby om gruttere projekten dy't troch ynwenners, ûndernimmers en organisaasjes sels opset en útfierd wurde. In inisjatyf moat oanslute by it tema Nije enerzjy fan en foar de lânbou, Nije enerzjy foar elkoar of Nije enerzjy foar it lânskip.
Mear ynformaasje oer beide subsydzjeregelingen fine jo op www.fryslan.frl/mienskip.
Hawwe jo in goed idee foar ferbettering fan de leefberens yn Súdeast-Fryslân?
Dan kinne jo jo idee ynkoarten presintearje oan de advyskommisje dy't de provinsje advisearret oer beide subsydzjeregelingen. Ek kinne jo dizze jûn yn petear gean mei de leden fan dizze advyskommisje. Sa kinne jo jo idee ferbetterje, om dêrnei in subsydzjeoanfraach by it Iepen Mienskipsfûns of LEADER yn te tsjinjen.
Wannear: Moandei 3 maart 2025 fan 19:30 oant 21:30 oere (ynrin fan 19.15 oere ôf)
Wêr: MFA Mejander, Willinge Prinsstraat 24, 8421 PE yn Aldeberkeap
Oanmelde kin troch uterlik tongersdei 27 febrewaris in e-mail te stjoeren nei zuidoost@fryslan.frl. Ek foar fragen oer dizze gearkomste, it Iepen Mienskipsfûns of LEADER kinne jo dêr telâne. Meld jo op 'e tiid oan, want der is romte foar in beheind tal inisjatyfnimmers om harren idee te presintearjen.
