Toeristenbelesting
Jo moatte toeristebelesting betelje as jo minsken de gelegenheid biede om tsjin betelling te oernachtsjen. Sokke oernachtingen fine foaral plak yn hotels, pensjons, rekreaasjebungalows en op campings. As jo fia Airbnb ferhiere, binne jo ek belestingplichtich foar de toeristebelesting. De toeristebelesting mei ferhelle wurde op dejinge dy't by jo oernachtet. Ek as jo de belesting net ferhelje, krije jo in oanslach.
Kosten
De belesting wurdt berekkene oer de omset sa as jo dizze trochjouwe oan de gemeente. Jo jouwe elk jier fóór 1 maaie de omset fan it foargeande jier troch oan de gemeente. It taryf bedraacht 2,5% foar oernachting yn ûnderkommens dy't de eksploitant ter beskikking stelt (bygelyks keamer, chalet, stacaravan) en 5% foar ûnderkommens dy't de gast sels meinimt (bygelyks tinte, caravan).
As der gjin opjefte fan de omset trochjûn wurdt, wurdt de belesting berekkene oer de rûsde omset, mei de folgjende minimumbedragen:
Toeristenbelesting per stânplak of bêd
- Minicampings (mei maksimaal 15 kampeermiddelen) € 25,-
- Bed & Breakfasts € 100,-
- Campings (mei mear as 15 kampeermiddels) € 50,-
- Groepsakkomodaasjes € 25,-
- Rekreaasjewennings € 200,-
- Hotels € 400,-
- Oare foarmen fan ferbliuw € 100,-
Oanjefte
Daliks regelje
Jouwe jo minsken de gelegenheid om tsjin betelling te oernachtsjen? Dan moatte jo hjirfoar oanjefte toeristebelesting yntsjinje by de gemeente. Folje hjirfoar it formulier 'Oanjefte toeristebelesting' yn (boppe-oan dizze side ûnder it kopke 'Daliks regelje').
Bysûnderheden
De omset fan it foargeande kalinderjier bepaalt oft jo in definitive oanslach of in foarlopige oanslach krije. Jo ûntfange yn de twadde helte fan it jier in foarlopige oanslach op basis fan 50% fan de omset as it belestingbedrach mear as € 5.000,- bedraacht. Yn it jier dêrop ûntfange jo de definitive oanslach. Is it belestingbedrach leger, dan ûntfange jo itselde jier noch in definitive oanslach.
Meldingsplicht
Biede jo foar it earst minsken de gelegenheid om tsjin betelling te oernachtsjen? Dan hawwe jo in meldingsplicht en moatte jo dit melde by de gemeente.
Daliks regelje
Wolle jo in (nije) oernachtingslokaasje oanmelde by de gemeente? Folje hjirfoar it formulier 'Oanmelden nije oernachtingslokaasje' yn (boppe-oan dizze side ûnder it kopke 'Daliks regelje').
