Fakatuere: Teammanager Sosjaal Domein

Wat sille jo dwaan?

Jo binne in lieder mei in stevige persoanlikheid, klear foar in nije útdaging binnen it sosjaal domein. Binnen it Gebiedsteam jouwe jo stjoering oan en binne jo petearpartner fan ús professionals. Dizze professionals stypje ynwenners op gebieten lykas jeugd, âlderein, feiligens, wurk, ynkommen, soarch en wolwêzen. Jo binne in teamspiler, it motivearret jo om tegearre mei jo twa kollega’s ferantwurdlikens te nimmen foar in grut team mei in protte ferskillende taken. Jo fasilitearje jo team sûnder de ynhâldlike ekspert te wêzen, en stimulearje jo meiwurkers om eigenaarskip te toanen en har fierder te ûntwikkeljen. Jo drage by oan yntegraal gearwurking en trochûntwikkeling yn it sosjaal domein. As teammanager binne jo sichtber en beskikber foar jo meiwurkers. Jo soargje foar ferbining, omtinken en stimulearje harren kwaliteit folslein yn te setten. Jo kreëarje in omjouwing dêr't gearwurkjen, learen, fertrouwen, wille en iepenheid sintraal steane.

Tegearre mei kollega-teammanagers en ûndersteunende ôfdielingen yn de organisaasje soargje jo derfoar dat de tsjinstferliening nei ús ynwenners hieltyd fierder ûntwikkelt. Jo hawwe in aktive rol yn it managementteam, dêr't jo ynbreng direkt bydraacht oan de takomstige koers fan de organisaasje en de oersetting fan strategyske doelen nei konkrete aksjes binnen jo team. Yn dizze funksje kombinearje jo liederskip mei romte foar autonomy en persoanlike groei, wêrtroch't jo in wichtige bydrage leverje oan it súkses fan jo team en de gemeentlike organisaasje.

Dit biede wy jo

• Oantreklike arbeidsfoarwaarden; in moai salaris neffens skaal 12 fan de cao gemeenten (maks. € 6.862,- bruto per moanne by in folsleine baan) in Yndividueel Kar Budget (IKB) fan 17,05%, reiskostenfergoeding, in pensjoenregeling fia ABP en koarting op ferskate fersekeringen.
• In funksje foar ûnbepaalde tiid (earste jier in kontrakt foar bepaalde tiid).
• In ôfwikseljende baan; de iene dei binne jo dwaande mei sosjale en politike opdrachten út de maatskippij en de oare dei fiere jo sollisitaasjepetearren om in nije meiwurker te werven.
• Genôch kânsen om te ûntwikkeljen fia opliedingen, kursussen en workshops.
• Romte foar jo ideeën; as jo tinke dat it oars kin steane wy dêrfoar iepen.
• Treflike wurk-/privébalâns; jo krije fan ús in laptop en in mobile telefoan, sadat jo benammen op kantoar mar ek thús wurkje kinne.
• Oandacht foar jo vitaliteit; dielname oan ús vitaliteitsprogramma, jierliks meardere aktiviteiten mei de hiele organisaasje en it team en in gesellich wurkkafee!

Wa binne jo?

Wy binne allegear oars en dat is moai. Dat makket dat wy tegearre folle mear berikke as allinnich. Dochs hawwe al ús teammanagers in tal deselde skaaimerken. Herkenne jo josels hjiryn? 

• Jo wurkje graach mei oaren en leauwe der yn dat jo tegearre better binne.
• Jo hâlde der fan om dingen út te probearjen en it net even oars te dwaan.
• Jo wolle eltse dei it ferskil meitsje foar ús gemeente.
• Jo fiele jo ferantwurdlik foar jo wurk en taken.
• Jo hawwe in iepen geast en steane iepen foar oare manieren fan tinken en dwaan.
• Jo binne sichtber benaderber en steane stevich yn jo skuon
• Jo drage de fisy fan Opsterlân út
• Jo binne kommunikatyf sterk en dúdlik oer jo bedoeling
• Jo binne polityk sensitief en ferbinend.
• Jo binne budzjetferantwurdlik foar it sosjaal domein.
• Jo hawwe saakkundigens oangeande bedriuwsfiering en binne finansjeel en saaklik ûnderlein.  
• Jo hawwe each foar de kwaliteiten fan de meiwurkers.
• Jo hawwe de te beheljen doelen en resultaten helder foar eagen en stelle de juste prioriteiten.  

Dit binne wy

Wy binne grutsk op ús gemeente mei mear as 30.000 ynwenners, 16 doarpen en in soad grien. Alle dagen sette wy ús yn foar ús minsken en bedriuwen. Wy iepenje doarren nei nije manieren fan dwaan en sjogge fierder as ús lânskippen rykje. Us motto? It kin wól.

Wurkje foar Opsterlân betsjut wurkje mei 250+ entûsjaste en gesellige kollega’s. In goede wurksfear, oan humor gjin brek, belangstelling foar elkoar en in high five foar in tûke oplossing. Wy steane iepen foar elkenien. En by ús mei elkenien wêze wa’t er is. Jo krije de romte om jo wurk yn te rjochtsjen sa’t it by jo past. Wy fine jo ûntjouwing wichtich en drage dêr graach oan by. En wy moedigje jo oan om op aventoer te gean. Opsterlân jout jo de romte, pakke jo him?

Hawwe jo fragen?

Lit it witte! Ik bin Martine van Belkum (direkteur) en in ôfspraak meitsje foar in ekstra taljochting troch my kin fia ús direktesekretariaat@opsterland.nl. In moeting mei ien fan jo takomstige kollega-teammanagers kin ek!

Entûsjast wurden?

Lit sjen wa't jo binne en sollisitearje! Wa wit wurdt dit it begjin fan in moai aventoer. Benaderje ús op in manier dy't by jo past. Dit mei mei in brief en cv, in sollisitaasjefideo of op in oare manier. Wy litte ús graach ferrasse! Jo reaksje is wolkom oant en mei 8 desimber 2024.

Online sollisitearje?

Hawwe jo belangstelling foar dizze fakature? Jo sollisitaasje kinne jo yntsjinje fia 

Sollisitearje