Falprevinsjekursus

Sjoerd (78) fan De Gordyk in útnoeging fan 'e gemeente krigen om mei te dwaan oan in fitheidstest yn 'e pleatslike sportskoalle. De test, organisearre troch Sport Fryslân en Sûnenz, liet sjen dat Sjoerd in ferhege risiko hie om te fallen. Dit wie reden genôch foar sawol Sjoerd as syn frou Fonneke (71) om har yn te skriuwen foar de falprevinsjekursus In Balans. In training fan tolve wiken wêrby't jo wurkje oan mobiliteit, spierkrêft en lykwicht.

Leare en wille hawwe

Elke wike wiene se in oere yn beweging mei in groep fan 18 dielnimmers. Net allinnich de spieren waarden traind, mar ek de harsens. De oefeningen wiene soms útdaagjend. Fonneke fertelt laitsjend: “Ien fan de leukste oefeningen wie mei kleurde ballen. Ofhinklik fan de kleur moast jo de bal op in bepaalde manier trochjaan – bygelyks nei lofts, nei rjochts, of immen oerslaan – en yntusken de namme fan in dielnimmer neame. Dat is dochs lestiger as jo tinke en dat is bêst hilarysk!”
 

Bewegen op maat

Tidens de fittest hat Sjoerd in fragelist ynfolle oer syn sûnens. Oft hy bygelyks lêst hat fan syn knibbel, ankel of skouder. Dêrtroch koe de begelieder de oefeningen oanpasse oan syn mooglikheden. Sjoerd: “Dêr waard echt goed rekken mei holden.”

Moetsje en bewege komt byinoar

Njonken it bewegen wie der in soad romte foar wille en sosjale kontakten. Wat Sjoerd en Fonneke foaral bybliuwt, is de gesellichheid. “It wie in leuke groep en dat makket it echt weardefol,” seit Sjoerd. Fonneke follet oan: “Soms bleaune wy nei ôfrin noch efkes kofje drinke. Dat makket it mear as in kursus; it bringt minsken wer byinoar.” Sjoerd en Fonneke hawwe it tegearre as in útje belibbe – sa leuk wie it, ek mei troch de leuke profesjonele begelieding.

Lytse feroarings yn it deistich libben

Tidens de lessen krigen se praktyske tips dy't direkt tapasber binne yn it deistich libben. Fonneke: “Ik sis no wolris tsjin myn man: set dyn skonken wat wider, dan stiest steviger.” Ek ienfâldige oanpassingen lykas sittend oanklaaie meitsje ferskil. Sjoerd: “Jo tinke faak: dat kin ik noch wol steand. Mar it is ferstanniger om gewoan efkes te sitten te gean.” Troch lytse oanpassingen kinne jo it risiko op fallen ferlytsje. Njonken it mear bewust wêzen fan harren hâlding, ûnderfine Sjoerd en Fonneke mear selsfertrouwen nei de kursus.

Yn beweging bliuwe 

Se dogge noch altyd elke moarn oefeningen thús. Fonneke: “Jo moatte wol yn beweging bliuwe. Eefkes op de teannen stean of balansearje op ien skonk.” Op in matke oefenje se lykwicht en krêft, soms sels mei in kreative twist. Fonneke: “'Wy brûke in line fan ús houten flier om te oefenjen mei it bewarjen fan lykwicht. Sa hâlde wy it leuk én praktysk.” Se binne entûsjast oer de tips dy't se krigen hawwe. De kursus is sa goed befallen dat se útsjogge nei in ferfolchkursus yn it neijier.

In oanrieder foar elkenien

Soene se de kursus oanbefelje? Harren antwurd is dúdlik: “ja”! Fonneke: “As jo meidogge en jo bliuwe bewege, dan merke jo echt ferskil.” Sjoerd beslút: “Ik fûn ek it kontakt en it wille dat wy tegearre hiene hiel wichtich. ” Mei de kursus Yn Balâns wurkje jo dus net allinnich oan jo lichaamlike sûnens, mar ek oan selsfertrouwen en sosjale kontakten.