WOZ-weardeloket
Fan 1 oktober 2016 ôf hat de gemeente de wetlike ferplichting om jo ynsjoch te jaan yn de WOZ-wearden fan alle wenten. De Lanlike Foarsjenning WOZ (LV WOZ) is it lanlike loket foar it ynsjen fan WOZ-wearden. It loket jout jo online ynsjoch yn de WOZ-wearde fan wenten yn hiel Nederlân.
Daliks regelje
Hokker ynformaasje kinne jo sjen?
Fia it loket wurde de WOZ-wearden fan wenten toand, tegearre mei in kaart fan de omjouwing. De ynformaasje fine jo op www.wozwaardeloket.nl. It giet om WOZ-wearden fan wenten; WOZ-wearden fan bedriuwspannen binne net iepenbier. Troch middel fan de postkoade, hûsnûmer en/of letter kin de oanbelangjende wenning opfrege wurde.
De lanlike foarsjenning makket it ferstrekken fan gegevens út de Basisregistraasje WOZ oan brûkers makliker. Foar grutte ôfnimmers fan WOZ-gegevens, lykas de Belestingtsjinst, de Wetterskippen en it CBS, is dit handich en besparret it tiid. In basisregistraasje befettet spesifike ynformaasje lykas adressen, persoansgegevens, bedriuwsnammen, geo- of fêstgoedynformaasje, dy't brûkt wurde troch in tal oerheidsynstellingen. Troch al bekende gegevens mei-inoar te dielen, kin it regear effisjinter wurkje en de tsjinstferliening ferbetterje.
Ynsjoch en fergelykje
De transparânsje fan de wenningmerk is troch de komst fan it loket ferbettere. Foardiel is dat it jo de mooglikheid jout om de WOZ-wearde fan de eigen wenning te fergelykjen mei dy fan wenten yn de omjouwing. Om dit mooglik te meitsjen binne de Nederlânske gemeenten oansluten op de lanlike foarsjenning WOZ (LV-WOZ).
