Zivver

De gemeente wikselt faak ynformaasje út mei ynwenners, bedriuwen en gearwurkingspartners. Faak is dizze ynformaasje fertroulik en gefoelich. Om foar te kommen dat dizze ynformaasje yn de hannen komt fan persoanen dy't hjir misbrûk fan meitsje wolle, is it dêrom erg wichtich dat gefoelige ynformaasje feilich ferstjoerd wurdt.

Wat is Zivver?

Zivver soarget derfoar dat gefoelige ynformaasje ekstra befeilige wurdt. Hjir troch wurdt it berjocht feilich ferstjoerd en kin allinnich de ûntfanger de ynhâld fan it berjocht lêze. 

Hoe iepenje jo in berjocht dat fia Zivver ferstjoerd is?

Hawwe jo in e-mail ûntfongen fan gemeente Opsterlân fia Zivver? Dan iepenje jo dit berjocht troch op de link mei de tekst ‘Iepen berjocht’ te klikken. Jo wurde dan automatysk trochstjoerd nei de befeilige omjouwing fan Zivver. Hjir moatte jo in tagongskoade of sms-koade ynfiere (sjoch hjirûnder). 

Berjocht iepenje mei in sms-koade

Jo hawwe in berjocht ûntfongen dat befeilige is mei in SMS-koade. Degene dy't jo it berjocht stjoert, wol wis witte dat allinnich jo it lêze kinne. Klik op ‘Berjocht iepenje’ en dêrnei op ‘SMS stjoere’. Folje dan de koade yn dy't jo op jo telefoan ûntfange. No kinne jo it berjocht lêze. 

• Hjir kinne jo in fideo fine oer hoe't dit wurket.

Berjocht iepenje mei in tagongskoade

Jo hawwe in befeilige berjocht ûntfongen. Degene dy't jo it berjocht stjoert, wol wis witte dat allinnich jo it berjocht lêze kinne. De ôfstjoerder hat dêrom in tagongskoade oan jo trochjûn, fia de post, telefoanysk of persoanlik. Klik op “Berjocht iepenje” en folje dizze tagongskoade yn. No kinne jo it berjocht lêze. Hawwe jo gjin tagongskoade ûntfongen? Nim dan kontakt op mei de ôfstjoerder.

• Hjir kinne jo in fideo fine oer hoe't dit wurket.

Berjocht iepenje mei in ferifikaasje-e-mail

Jo hawwe in befeilige berjocht ûntfongen dat befeilige is mei in ferifikaasje e-mail. Klik op ‘Berjocht iepenje’ en dêrnei op ‘e-mail stjoere’. Jo ûntfange no in nije e-mail, klik op ‘Klik foar tagong’ om it berjocht te iepenjen. No kinne jo it berjocht lêze.

• Hjir kinne jo in fideo fine oer hoe't dit wurket.

Wolle jo reagearje op in e-mailberjocht dat fia Zivver ferstjoerd is?

Jo lêze it berjocht dat fia Zivver ferstjoerd is op in befeilige webpagina. As jo op it berjocht reagearje wolle, dan kin dat op dizze pagina. Klik op de knop “Beantwurdzje”. Jo kinne dan yn it antwurd fjild direkt jo reaksje type. Eventueel kinne jo ek in bylage tafoegje mei de paperklip-knop. Jo ferstjoere de reaksje troch op de ferstjoerknop te klikken. Wannear de ûntfanger hjir op reageart, ûntfange jo wer in notifikaasje per e-mail.

Mear oer Zivver

Mei Zivver kinne jo feilich e-maile en bestannen útwikselje. Zivver fersiferet berjochten mei gefoelige ynhâld, lykas persoansgegevens, dossiers, ferslaggen of oare ynformaasje dy't jo feilich ferstjoere wolle. Ferstjoere jo in berjocht fia Zivver, dan is dat garandearre feilich. Dat betsjut dat nimmen oars as de ferstjoerder en de ûntfanger tagong hat ta it berjocht. Ek hackers net. Dêrneist foarkomt Zivver mei tûke technologyen dat minsken gefoelige ynformaasje nei de ferkearde persoan stjoere.

Hawwe jo fragen?

Hawwe jo fragen oer in ûntfongen e-mailberjocht? Kinne jo it ûntfongen berjocht net iepenje? Of hawwe jo fragen oer Zivver? Nim dan kontakt op mei de gemeente fia: privacy@opsterland.nl.