Mear wenromte foar Nij Beets: 23 nije wenten
Meikoarten wurdt der start mei de bou fan 23 nije wenten yn Nij Beets. De gemeente Opsterlân en projektonwikkelder Kuin B.V. hawwe de anterieure oerienkomst foar it plan ‘Nij Beets, Doarpstrjitte 2’ tekene. Hjirmei is in wichtige stap set rjochting ekstra wenromte yn it doarp.
In nije bestimming
Op it plak dêr't earder in oannimmersbedriuw stie, oan de noardkant fan it doarp, komme 23 nije wenten. It terrein krijt sa in nije bestimming as wenplak. Mei de ûndertekening fan de oerienkomst binne alle ôfspraken oer útfiering en kosten fêstlein. De kommende tiid wurdt it plan fierder útwurke sadat de bou begjinne kin.
In prachtige stap
Wethâlder Marcel van Opzeeland is bliid dat it projekt fan start kin: “Dit is in prachtige stap foar Nij Beets. Mei dit plan kreëarje wy net allinnich hurd nedige nije wenten, mar fergrutsje wy ek de kânsen foar húshâldens dy't hjir wenjen en libjen bliuwe wolle. Sa fersterkje wy de mienskip en bouwe wy mei-inoar oan in takomstbestindich Nij Beets.”
Woningbou yn Nij Beets
Njonken it projekt oan de Doarpsstrjitte wurdt yn Nij Beets ek boud oan de Geawei, dêr't yn totaal njoggen nije wenten komme. Yn hiel Opsterlân wurde oant 2035 mar leafst tûzen nije huzen realisearre. Op de webside fan de gemeente Opsterlân is it woningboudashboard te finen. Hjir steane alle aktuele woningbouprojekten oersichtlik werjûn:
Mear ynformaasje?
Hawwe jo noch fragen? Gean nei de side Belestingen of
