4. Utfiering en monitoring

Under de Omgevingswet kin de omjouwingsfisy op elk winske momint oanpast wurde. De fisy hat dus gjin fêste eindatum. Dat is oars as yn de hjoeddeistige Omjouwingsfisy 2015 - 2030, dy't yn it ramt fan de Wro yn 2015 fêststeld is. Der is romte om de fisy op elk momint – yn syn gehiel of op ûnderdielen – oan te passen as dat nedich of winske is. De gemeente is frij om hjiryn karren te meitsjen.

Beliedssyklus

4.1 Boarging takomstige oanpassing en/of aktualisearring omjouwingsfisy

Yn algemiene sin jildt dat in fleksibele Omjouwingsfisy op haadlinen mear romte jout om te antisipearjen op maatskiplike feroarings as in detaillearre fisy. Om dy reden hat dizze Omjouwingsfisy in fleksibele ynstek.
De gemeente is dus frij yn it gehiel of foar in part wizigjen fan de fisy. Wat ús oanbelanget is wiziging oan de oarder, as hjir oanlieding ta is:

  1. Ut beliedssyklus wei
  2. Ut monitoring en evaluaasje wei
  3. By maatskiplike ûntwikkelingen

As de fisy yn striid is mei wizige regeljouwing fan oare oerheden (bygelyks dy fan it Ryk of de provinsje) is der gjin sprake fan kar. Oanpassing is needsaaklik en de fisy wurdt dan op dizze ûnderdielen oanpast. Yn sa'n gefal is partisipaasje net needsaaklik; de wiziging is oplein. Fansels is goede ynformaasjefoarsjenning en kommunikaasje dêrby wol fan belang. 

Wy ferwachtsje dat it provinsjale gebietsplan foar stikstofreduksje in direkte oanlieding wêze sil om dizze omjouwingsfisy oan te passen.
 

4.2 De beliedssyklus

In omjouwingsfisy is ien fan de ynstruminten dy't de gemeente brûkt by de útfiering fan de Omgevingswet. Tegearre mei omjouwingsprogramma's, omjouwingsplan en omjouwingsfergunning foarmet de omjouwingsfisy it gemeentlik ramt en in set fan regels foar de útfiering. Ut it plaatsje hjirûnder docht bliken dat dizze ynstruminten net statysk binne. De ynstruminten wurkje gear en folje elkoar oan. 

Troch de útfiering fan ús taken dogge wy ûnderfining op mei de ynstruminten en harren útwurking. Dy ûnderfinings nimme wy mei en op basis dêrfan kinne wy yn de syklus wer bystjoere. Dêrby behelje wy ek yn hoefier en hoe faak (op basis fan goed fûndearre ûnderlizzende motivaasje) ôfwykt is fan de Omjouwingsfisy. 

By it opstellen fan dizze yn it ramt fan de Omgevingswet earste (aktualisearre) omjouwingsfisy meitsje wy gebrûk fan de beliedssyklus. Wy folgje de syklus sawol mei de klok mei as ek tsjin de klok yn.

Wy brûke besteande kaders en regels om te kommen ta de aktualisearre fisy. Tink hjirby oan de bestjoerlike fisy Romte en Ferskaat (2013), it koälysjeakkoart Mei-inoar foarút 2022-2026, de ûntwikkelingsaginda's en Vitaal Opsterlân.

De ûnderfining dy't wy hawwe mei de útfiering fan de kaders en regels yn it omjouwingsdomein brûke wy as ynput.

4.3 Monitoring

De ynfiering fan de Omgevingswet mei al har fasetten beslacht in perioade fan 8 jier. Fan 2023 ôf fynt der in grutte transysje plak. Feroarings steane synonym foar learen. Wis yn dizze perioade leare wy fan ús eigen ûnderfinings en dy fan oaren.

Om de ûntwikkelingen ynsichtlik te hawwen moat dus monitoring ynrjochte wurde. By monitoring is it folgjende fan belang: alles draait úteinlik om de kwaliteit fan de fysike leefomjouwing. Troch middel fan monitoring en evaluaasje moat der ynsjoch wêze oft it keazen belied liedt ta de winske basiskwaliteit fan dy fysike leefomjouwing. Dat ferûnderstelt dat ynsjoch is yn de startsituaasje en de aktuele situaasje.
Ynfier foar monitore wurdt yn alle gefallen fûn by:

  1. FSP Libben yn Fryslân / www.fsp.nl/monitoren
  2. CBS
  3. PCCyklus (begrutting, perspektyfbrief en jierrekken)
  4. Hanthaveningsjierferslach
  5. Jierferslach VTH 
  6. Sûnensmonitor fan de GGD
  7. Petearren mei Pleatslike Belangen
  8. Petearren mei maatskiplike organisaasjes en ûndernimmersplatfoarms

4.4 Maatskiplike ûntwikkelingen

Maatskiplike ûntwikkelingen en/of kwestjes dy't troch de lokale mienskip ynbrocht wurde, kinne ek oanlieding wêze om de Omgevingsvisie oan te passen. 

It is dus fan belang de maatskiplike ûntwikkelingen, wichtige ûntwikkelingen út de Mienskip en learefaringen geregeld te monitoren. Sadat wy op basis dêrfan sa nedich bystjoere kinne. Bystjoeren is oerigens net allinnich foarbehâlden oan de Omgevingsvisie, mar kin ek mei it Omgevingsplan of oare ûnderlizzende (belieds)stikken.
 

4.5 Gearhing mei miljeu-aspekten (MER en 4 miljeubegjinsels) 

Yn de Omgevingswet binne in tal easken steld oan de Omgevingsvisie. Sa moat de Omgevingsvisie sjen litte hoe't wy omgeane mei de fjouwer miljeubegjinsels dy't yn Europeesk ferbân fêstlein binne. Dat hawwe wy by de útwurking fan ús ambysjes en opjeften dien. 

Ek kin de Omgevingsvisie oanlieding wêze om in miljeu-effektrapport (MER) op te stellen. Dat is in rapport dat de gefolgen foar it miljeu yn byld bringt as wy de karren fan de Omgevingsvisie útfiere sille. Dizze fisy bout fierder op besteand belied. Der wurde ek gjin nije lokaasjes foar romtlike ûntwikkelingen oanwiisd, dy't it trochrin fan in MER-proseduere nedich meitsje. Der binne ek gjin oanwiisbere MER-(beoardielings)plichtige besluten opnommen of te ferwachtsjen.

De Omgevingsvisie jout rjochting oan wat wy wichtich fine. De ambysjes út de Omgevingsvisie binne dan ek noch abstrakt. Dêrtroch binne de miljeu-effekten dêrfan no net goed yn te skatten. As dat nedich is wurkje wy dat út yn programma’s of yn it Omgevingsplan. As it fereaske is sille wy in miljeu-effektrapport meitsje.

4.6 Gearhing mei Wet foarkarrecht

De gemeente kin in saneamd ‘foarkarrecht’ fêstigje op grûnen fan oaren. Beslút in eigner ta ferkeap dan wurdt dy grûn earst oan de gemeente oanbean. De gemeente mei de grûn dêrtroch as earste oankeapje. Hjirmei kinne wy derfoar soargje dat bepaalde grûnen in funksje krije dy't wy yn de Omgevingsvisie foar eagen hawwe. Bygelyks om it mooglik meitsjen fan wenningbou op no noch agraryske grûn. Yn dizze Omgevingsvisie wize wy gjin konkrete lokaasjes oan foar in funksjeferoaring. Mochten wy as gemeente in foarkarrecht fêstigje wolle, dan meitsje wy dat earst konkreet yn in programma of litte wy dat blike út it Omgevingsplan.

4.7 Finânsjes 

Foar romtlike inisjativen jildt it “foar wat heart wat prinsipe”. Inisjativen dêr't (finansjele) bydragen foar spesifike (romtlike) ûntwikkelingen foar frege wurde, wurkje wy fierder út yn hjirmei gearhingjende programma’s.

Mear ynformaasje

Hawwe jo noch fragen?

Nim dan kontakt op mei it Publykssintrum

Omgevingsvisie Jikke Reinsbergstrjitte Gorredijk