
Omjouwingsfisy gemeente Opsterlân
Omgevingsvisie Opsterlân
Hoe sjocht Opsterlân der oer tritich jier út? Hoe bliuwt Opsterlân in noflike gemeente om te wenjen, binne wy goed berikber en ek ekonomysk wolfearend? En hoe kinne minsken hjir sûn en feilich rekrearje? Dêroer giet dizze Omgevingsvisie.
De Omgevingsvisie giet oer de takomst fan Opsterlân. Wêryn't de ynwenners sûn en feilich libje kinne. Wêr't romte is foar wenjen, wurkjen en ûntspannen yn it griene lânskip dat wy sa koesterje en graach behâlde wolle. Hoe dogge wy dat op in wize dy't past by it gebiet en de minsken dy't der yn libje? Dêrfoar steane yn de Omgevingsvisie alle ambysjes en opjeften dy't hjir oer geane, neamd. Wy brûke de Omgevingsvisie as kader om karren te meitsjen oer inisjativen foar bygelyks wenwiken, winkels, bedriuwen, nije diken of griengebieten.
Mei de komst fan de Omgevingswet moatte gemeenten in Omgevingsvisie hawwe. Dizze komt yn it plak fan struktuerfyzjes, ferkears- en ferfierplannen, dielen fan de natuerfyzje en miljeubeliedsplannen. Opsterlân hat foarút rinnend op de ynfiering fan de Omgevingswet yn 2015 al in Omgevingsvisie opsteld. Hjirby binne alderhande partijen lykas ynwenners, ûndernimmers en ynstellings troch middel fan ynformaasjebyienkomsten en ynspiraasjesesjes ynformearre en belutsen.
De Wike fan de Omgevingsvisie dy't wy organisearre hawwe, waard sawol online as fysyk goed besocht. En dêr binne wy bliid mei! De reaksjes dy't wy ûntfongen, hawwe wy meinommen en hawwe laat ta dit resultaat. De fyzje is yn in moai proses ta stân kommen, wêrby't de kearn yn ien eachopslach yn in matriks werombrocht is. Wy binne benijd wat jo derfan fine?
Anko Postma
wethâlder gemeente Opsterlân


Download de Omjouwingsfisy Opsterlân
Untwerptekst Omjouwingsfisy Opsterlân (PDF)
Ynformaasje dokumint downloade:
- In pdf-bestân kinne jo iepenje yn ferskate PDF-lêzers, lykas Adobe Reader.

