Beetstersweach Tolmanlokaasje

Nijsupdate - Weromblik ynformaasjebyienkomst Tolmanlokaasje Beetsterzwaag

Tiisdeitejûn 8 july fûn yn De Buorskip in goedbesochte ynformaasjebyienkomst plak oer it konsept byldkwaliteitsplan foar de Tolmanlokaasje. Wethâlder Marcel van Opzeeland iepene de jûn, wêrnei't It Oversticht taljochting joech op de stêdeboukundige en arsjitektoanyske útgongspunten. Dêrnei gie de ynrinmerk fan start. 

Foar dit projekt hat de gemeente de kaders bepaald, binnen dizze kaders wurket de inisjatyfnimmer it ûntwerp foar de Tolmanlokaasje fierder út. De kaders binne fêstlein yn it byldkwaliteitsplan dat dizze jûn yn konseptfoarm mei it doarp dield waard.

Wethâlder Marcel van Opzeeland: “It is goed om te sjen hoefolle belangstelling der is foar de Tolmanlokaasje. Ik fyn it wichtich om de ynwenners fan Beetsterzwaag mei te nimmen yn de ûntwikkeling fan dit projekt op dizze wichtige sichtlokaasje. By de foarige byienkomst binne der goede ynhâldlike suggestjes dien. Dizze hawwe wy, dêr't mooglik, meinaam yn it juster presintearre konsept byldkwaliteitsplan. Mei it plan hawwe wy in basis lein foar de fierdere ûntwikkeling.”

Wolle jo op de hichte bliuwe fan de ûntwikkelingen op de Tolmanlokaasje? Abonnearje jo dan op de Wenningbou-update. Jo krije dan meardere kearen yn it jier it lêste wenningbounijs yn jo postfak. Oanmelde foar de nijsbrief.

De presintaasjes fan de jûn kinne jo hjirûnder downloade:

Presintaasje ynformaasjebyienkomst 

Presintaasje byldkwaliteit

Mear ynformaasje

Foar mear ynformaasje kinne jo kontakt opnimme mei de gemeente fia:

• wenningbou@opsterlân.nl