Bou 40 nije wenten op De Gordyk fan start
De skop kin yn 'e grûn: de bou fan 40 nije hierwenten op De Gordyk giet begjinnen. De gemeente is bliid dat nei in ôfrûne beswierproseduere de wei frij is om de huzen oan de Rindert van Zinderen Bakkerstrjitte en de Geert van der Zwaagstrjitte te realisearjen. Mei de bou wurdt wer in wichtige stap set om oant 2035 tûzen nije wenten te bouwen yn Opsterlân.
It kolleezje hat op 5 maart 2025 de fergunning ferliend foar de bou fan de wenten. Op 8 april 2025 binne der twa beswieren binnenkommen tsjin dit beslút. Op 25 juny 2025 fûn hjiroer in sitting plak. Dêrnei hat de beswierkommisje (BCO) advys útjûn oan it kolleezje. De kommisje konkludearre dat de beswieren gjin reden binne om de fergunning yn te lûken of te wizigjen.
Wethâlder Marcel van Opzeeland: “De gemeente is bliid dat de bou fan 40 wenningen op De Gordyk no úteinsette kin. Beswieren tsjin bouprojekten kinne jierren fertraging opsmite. Dit bouprojekt kin no wer trochgean, omdat de beswierproseduere klear is. Of it moast wêze dat de beswiermakkers nei de rjochter stappe, dan moatte wy noch langer wachtsje op de nije wenten. Oant 2035 komme der yn Opsterlân tûzen nije wenningen by. It is wichtich om dit tempo fêst te hâlden, sadat safolle mooglik ynwenners gau in passend en noflik wenplak fine kinne.”
It lêste wenningbouwnijs
Witte wêr't der boud wurdt yn Opsterlân? Besjoch dan it wenningbouwdashboard of abonnearje jo op de wenningbouupdate, sa bliuwe jo altyd op de hichte fan it lêste Opsterlânske wenningbouwnijs.
