Kalamiteiten of geweld by Wmo-soarch melde
Oanbieders fan Wmo-stipe binne ferplichte om goede en feilige soarch te leverjen. Dêrom moatte sy alle kalamiteiten en geweldynsidinten melde by de gemeente. It doel is om meiïnoar de kwaliteit fan de stipe te ferbetterjen. In melding fan in kalamiteit of geweldynsidint moat binnen trije wurkdagen dien wurde.
Kalamiteiten en (gewelds)ynsidinten by oare soarchsoarten kinne jo melde by de Ynspeksje foar sûnenssoarch en Jeugd (IGJ).
Hoe meld ik in Kalamiteit of Geweldsinsidint?
Jo kinne fia de ûndersteande knop in melding meitsje.
Jo kinne ek maile nei: toezichthouder.sociaaldomein@opsterland.nl.
Wat is it ferskil tusken in kalamiteit en in (gewelds)ynsidint?
Ynsidint: Dit is in relatyf lichte steuring yn de soarchferliening. It kin gean om in hast-ûngelok of flater troch in meiwurker, wêrtroch't de kliïnt net de optimale stipe ûntfangt of mooglik skea ûnderfynt. Bygelyks:
- Te let sinjalearjen fan in probleem.
- Unjuste ynformaasje oan de kliïnt jaan.
- Undeskundich hanneljen by sûnensproblemen.
- Flaters yn dokumintaasje.
Kalamiteit: Dit is in earnstiger foarfal mei skealike gefolgen, lykas:
- It ferstjerren fan in kliïnt.
- Ernstig lichaamlik letsel troch it hanneljen fan in oar.
- Ernstige grinsferskowend gedrach (fysyk, psychysk, of seksueel) troch kliïnten of helpferlieners.
- Ernstige geweldynsidinten.
In kalamiteit foarmet in direkte bedriging foar de kwaliteit of kontinuïteit fan de stipe. It is wichtich om de oarsaak fan de kalamiteit te ûndersykjen en maatregels te nimmen om werhelling foar te kommen.
Kalamiteiten en earnstige geweldsmisdriuwen moatte jo altyd melde by de gemeente.
In kalamiteit of earnstich geweldynsidint moat binnen trije dagen meld wurde by de tafersjochhâlder Wmo fan de gemeente. Dizze tafersjochhâlder start de ferfolchproseduere.
Soms is it ferskil tusken in kalamiteit en in ynsidint lestich
Soms kin in ynsidint oergien yn in kalamiteit. De soarchoanbieder moat dit sels ynskatte. By twivel kinne jo kontakt opnimme mei ús tafersjochhâlder sosjaal domein fia it algemiene telefoannûmer of fia de ûndersteande kontaktknop.
