Kollektive frijwilligersfersekering
Mantelsoargers, foarlêsâlders, oerstekhelpers, kollektanten, minsken dy't aktyf binne yn klups of sportferienings, frijwilligers dy't kofje skinke yn it fersoargingstehûs of boarterstunen opknappe: frijwilligers binne wichtich foar elke gemeente! Dêrom wol de gemeente Opsterlân harren graach wiidweidich fersekerje tsjin de meast foarkommende skea. Dêrfoar hawwe wy in kollektive frijwilligersfersekering ôfsletten. Frijwilligers binne automatysk fergees fersekere fia de gemeente.
VNG Frijwilligersfersekering
De Feriening fan Nederlânske Gemeenten (VNG) hat, yn gearwurking mei Sintraal Behear Achmea, in fersekering ûntwikkele foar frijwilligers en mantelsoargers yn Nederlân. De gemeente Opsterlân hat sawol in basispolis as in pluspolis ôfsletten. De basispolis omfettet in ûngemakken- en persoanlike eigendomsfersekering foar frijwilligers en in oanspraaklikheidsfersekering foar frijwilligers. De pluspolis omfettet oanspraaklikheidsfersekering foar rjochtspersoanen, direkteursoanspraklikheidsfersekering foar frijwilligers, ferkearsoanspraklikheidsfersekering foar frijwilligers en rjochtsbystânfersekering foar frijwilligers. Mear ynformaasje oer de VNG Frijwilligersfersekering is te finen op 'e webside fan Sintraal Behear. .
Wat is fersekere yn ús VNG Frijwilligersfersekering?
Wol fersekere
- Frijwilligers en mantelsoargers by harren wurk foar oanspraaklikheid en ûngemakken
- Maatskiplike staazjes fan skoalbern
- Frijwilligerswurk as ûnderdiel fan gemeentlike tsjinprestaasje
Net fersekere
- Oanspraaklikheid foar it gebou: tink bygelyks oan in dakpanne dy't fan in gebou falt, boppe-op de holle fan in besiker. Of oan in besiker dy't yn de kantine fan in stikkene barkruk falt.
- Wurkjouwersoanspraaklikheid
- Frijwillige brânwachtlju en frijwillige plysjemeiwurkers
- Feriening fan Eigners (VvE). Hjir giet it om in privee belang, gjin maatskiplik belang
- Reizen nei gefaarlike oarden binne net dekt
Betingsten
Wolle jo krekt witte wa en wat wol en net fersekere is? Besjoch de polisbetingsten.
Skea melde?
Binne jo frijwilliger en wolle jo skea melde? De gemeente sil de skea foar jo melde. Folje hjirfoar it formulier 'Skeamelding' yn.
Stjoer it formulier nei: verzekeren@owo-gemeenten.nl . Of per post nei: Gemeente Opsterland postbus 10.000, 9244 ZP Beetstersweach.
