De útslaggen steane online!

18.15 oere | 17 maart 2023

It sit derop: de stimmen binne op partijnivo én kandidaatnivo teld, de prosessen-ferbaal binne opmakke en alle offisjele dokuminten binne tekene. It Sintraal Stimburo yn Ljouwert nimt it stokje no oer.

Gean nei de útslaggen

Tinke jo dat der wat net kloppet? Foar de Provinsjale Steaten kinne jo dit melde by it Sintraal Stimburo (gemeente Ljouwert). Foar it Wetterskip kinne jo by it Wetterskip sels telâne. Gean foar mear ynformaasje hjirfoar nei https://www.leeuwarden.nl/verkiezingen/verkiezingsuitslagen/

Wy sjogge werom op in bysûndere wike mei hege opkomsten, moaie moetingen, goede gearwurkings, lange dagen en koarte nachtsjes. Opsterlân stimde...fyn dat jo dit diene en in hiel moai wykein winske!

Mear liveblogberjochten:

Gean nei it folsleine liveblog

De stimburo's binne sletten!
21.00 oere | 15 maart 2023
It is 21.00 oere en dat betsjut dat de doarren fan ús stimburo's ticht binne en dat stimmen net mear mooglik is. Telle mar!
No op Omrop Fryslân: Fryslân Kiest
20.05 | 15 maart 2023
Nijsgjirrich nei it ferrin fan de ferkiezings yn de hiele provinsje? Fan 20.00 oere ôf komt Omrop Fryslân live út it Provinsjehûs mei 'Fryslân Kiest' op radio en telefyzje.
Noch 1 oere om te stimmen!
20.00 | 15 maart 2023
Hawwe jo noch net stimd? Sykje jo stimpas en identiteitsbewiis dan byinoar en gean noch gau nei in stimburo by jo yn de buert. Om 21.00 oere slute de doarren!