Evenemintefergunning

Wolle jo in aktiviteit of evenemint organisearje? Faak hawwe jo hjir in fergunning foar nedich. Njonken tastimming om earne wat te organisearjen hawwe jo faak ek noch ûntheffingen nedich foar bygelyks it skinken fan alkohol of brânfeilich gebrûk fan in tinte.

De gemeente is by de measte eveneminten ferantwurdlik foar de feiligens. Soms is der in evenemintefergunning nedich om derfoar te soargjen dat de organisator it evenemint op in ferantwurde wize útfiert. Yn oare gefallen is in 'Melding lyts evenemint' genôch.

Wannear hawwe jo in evenemintefergunning nedich?

By mear as 500 persoanen moatte jo in evenemintefergunning oanfreegje.

Njonken dy evenemintefergunning hawwe jo faak ek noch fergunningen en/of ûntheffingen nedich foar bygelyks it skinken fan alkohol, it hâlden fan in kânsspul of it brânfeilich brûken fan in tinte.

Under eveneminten fersteane wy: alle foar publyk tagonklike aktiviteiten fan fermaak. Tink bygelyks oan konserten, wedstriden, sirkus, feesten en braderieën. Foar in besletten feest op of oan de wei kin in fergunning ek ferplichte wêze.

Wat foar ynformaasje moatte jo by de oanfraach yntsjinje?

By de oanfraach om in evenemintefergunning sille jo ferskate dokuminten oanleverje moatte. Tink dêrby oan bygelyks:

in situaasjetekening mei dêrop de tinte en/of it bouwurk, yn ferhâlding ta oare direkt neistlizzende objekten;
in plattegrûn fan de tinte of it gebou, mei dêrop oanjûn û.o. needútgongen, brânblussers, ensafuorthinne.

(In útwreide checklist is opnommen by it oanfraachformulier foar in evenemintefergunning.)

Wannear moatte jo de oanfraach yntsjinje?

In oanfraach om in evenemintefergunning moat minimaal acht wiken foar it begjin fan it evenemint yntsjinne wurde.

Soms hat de gemeente in protte tiid nedich om ôf te stimmen mei plysje, brânwacht en eventueel mei oare organisaasjes. Tsjinje jo oanfraach foar in evenemintefergunning dêrom rom fan tefoaren yn.

Krije jo altyd in fergunning?

Wy kinne in fergunning en/of ûntheffing wegerje yn it belang fan:

de iepenbiere oarder;
de iepenbiere feiligens;
de folkssûnens;
de beskerming fan it miljeu

Wannear kin ik in evenemint melde ynstee fan in fergunning oan te freegjen?

Foldocht it evenemint dat jo organisearje oan de hjirûnder neamde betingsten, dan hoege jo gjin fergunning oan te freegjen. In melding is dan genôch.

Betingsten:

Iendeisk evenemint
It tal oanwêzigen is mear as 200 persoanen
It tal oanwêzigen is net mear as 500 persoanen
It evenemint fynt plak tusken 7.00 oere en 00.00 oere
Der is gjin (meganysk fersterke) muzyk te hearren foar 9.00 oere en nei 23.00 oere
It evenemint fynt net plak op de rydbaan, fyts-, bromfyts- of parkeargelegenheid
It evenemint stiet it ferkear en helptsjinsten net yn 't paad
Der wurde gjin grutte objekten pleatst. Lytse objekten meie wol, mei in oerflak fan minder as 10 m2 per objekt oant in maksimum fan 50 m2 per strjitte. Of ien tinte dy't foldocht oan de brânfeilichheidseasken (wat ûnder oare ynhâldt, dat dêryn net mear as 50 persoanen tagelyk oanwêzich binne)
De organisator docht binnen fjouwer wiken foar it evenemint melding oan de boargemaster, as it tal oanwêzigen mear as 200 persoanen is

Foarsafier't der sprake is fan in tal oanwêzigen fan mear as 200 persoanen, de organisator binnen fjouwer wiken foarôfgeand oan it evenemint dêrfan melding dien hat oan de boargemaster.

De boargemaster kin binnen twa wiken nei ûntfangst fan in melding beslute it organisearjen fan in evenemint lykas bedoeld yn it tredde lid te ferbieden, yndien troch dat evenemint de iepenbiere oarder, de iepenbiere feiligens, de folkssûnens of it miljeu yn gefaar komt.

Ekstra ynformaasje oangeande jo oanfraach evenemintefergunning

Geane jo ek alkohol skinke?

As jo in evenemint organisearje bûten in hoarekabedriuw, dan hawwe jo ek in ûntheffing fan de Alkoholwet nedich. Hjirfoar kinne jo de gegevens ynfolje op it formulier foar de evenemintefergunning. Foar it oanfreegjen fan in ûntheffing fan de Alkoholwet binne jo rjochten ferskuldige.

Brânfeilich gebrûk

Wannear't it evenemint yn in besteand gebou, yn in tinte of in oar tydlik bouwurk plakfynt en der mear as 50 persoanen tagelyk oanwêzich binne, dan hawwe jo ek in melding brânfeilich gebrûk nedich. De gegevens hjirfoar kinne jo ynfolje op it formulier foar de evenemintefergunning.

Eveneminten en natuerbeskerming

Foar guon eveneminten is in fergunning of ûntheffing yn it ramt fan de Wet Natuerbeskerming nedich. De oanfraach hjirfoar moat seis moannen fan tefoaren yntsjinne wêze.

Dêrnjonken moatte jo ûndersykje oft der by de aktiviteit stikstofútstjit plakfynt. Is dit it gefal, dan is de aktiviteit fergunningplichtich (Natura2000-aktiviteit).

Foar dizze ûnderwerpen ferwize wy jo nei de provinsje. Sjoch foar mear ynformaasje of it dwaan fan in oanfraach op Eveneminten en natuerbeskerming | Fryslân.

Lûdsnorm

Oer de bleatstelling fan it publyk oan lûd bestiene noch gjin ôfspraken.
Dat is no feroare. Der is in konvenant ûndertekene troch evenemintemakkers, poppoadia en de Nasjonale Hearstichting. Yn de ûndersteande bylage fine jo mear ynformaasje hjirfoar.

Daliks regelje

Download hjirûnder de oanfraachformulieren en oanfoljende ynformaasje.

In dokumint downloade en iepenje

In docx-bestân kinne jo iepenje yn ferskate dokumintlêzers, lykas OpenOffice.org.
Jo kinne in pdf-bestân iepenje yn ferskate PDF-lêzers, lykas Adobe Reader.

Mear ynformaasje

Hawwe jo noch fragen? Nim dan kontakt op mei it Publykssintrum

Cookie-ynstellings beheare