Ynsprekke
Jo kinne as ynwenner fan Opsterlân jo miening jaan oer saken dêr't de gemeenteried oer fergadert. By de agindapunten fan de oriïntearjende riedsgearkomste kinne boargers meastentiids it wurd rjochtsje ta de riedsleden. Dit hjit ynsprekke. Wolle jo de riedsleden sprekke oer in ûnderwerp dat net op de aginda stiet, dan kinne jo kontakt opnimme mei de griffier. De agindakommisje fan de ried besjocht dan wat de meast gaadlike manier is om jo ynformaasje te dielen mei de ried.
Jo wolle ynsprekke
Wolle jo meiprate yn in oriïntearjende riedsgearkomste? Lit dat dan uterlik foar 12.00 oere op de dei fan de riedsgearkomste witte oan de griffier, telefoan 0512 386 333 of fia e-mail griffier@opsterland.nl.
Tidens de oriïntearjende riedsgearkomsten wurde live-opnamen makke. Dizze binne, ek nei de gearkomste, werom te sjen op de gemeentlike riedswebside.
Jo kinne net ynsprekke oer:
- Ynkommen stikken (ûnderdiel aginda riedsgearkomsten);
- In beslút fan it gemeentebestjoer wêr't in beswierskreaun of beropskrift tsjin yntsjinne is of de rjochter om in útspraak frege is en de útspraak noch net ûnherroepelik wurden is;
- Beneamingen, keuzes, foardrachten of oanbefellings fan persoanen;
- De wize wêrop de gemeente him tsjinoer jo of in oar gedroegen hat (klacht);
- Underwerpen dy't net ta de foech fan it gemeentebestjoer hearre.
- Underwerpen op de aginda fan de riedsgearkomste.