Noch efkes trochsette...

16.45 oere | 16 maart 2023

It tellen en fierder ferwurkjen fan alle stimmen is noch net klear, mar wat wurdt der hurd wurke. Wy binne hiel bliid mei alle ynwenners dy't ús as stammenteller helpe. In tankje is dêrom wol op syn plak. Tige tank tellers!

It tellen fan alle stimmen is in flinke put fanwegen de hege opkomst en de dûbele ferkiezing. It wiene lange dagen en hiel koarte nachten, dus de lêste loodsjes wage behoarlik swier. Moarnte wurde alle papieren nei it Sintraal Stimburo yn Ljouwert brocht. Yn de rin fan moarnsmiddei publisearje wy alle foarriedige útslaggen op kandidaatnivo op ús webside. Foar no winskje wy jo in noflike jûn en oant moarn!

Foto's by dit berjocht:

Mear liveblogberjochten:

Gean nei it folsleine liveblog

De stimburo's binne sletten!
21.00 oere | 15 maart 2023
It is 21.00 oere en dat betsjut dat de doarren fan ús stimburo's ticht binne en dat stimmen net mear mooglik is. Telle mar!
No op Omrop Fryslân: Fryslân Kiest
20.05 | 15 maart 2023
Nijsgjirrich nei it ferrin fan de ferkiezings yn de hiele provinsje? Fan 20.00 oere ôf komt Omrop Fryslân live út it Provinsjehûs mei 'Fryslân Kiest' op radio en telefyzje.
Noch 1 oere om te stimmen!
20.00 | 15 maart 2023
Hawwe jo noch net stimd? Sykje jo stimpas en identiteitsbewiis dan byinoar en gean noch gau nei in stimburo by jo yn de buert. Om 21.00 oere slute de doarren!