Opfang Oekraynske ûtheinen

Op 24 febrewaris 2022 foel Ruslân Oekraïne binnen. Sûnt it útbrekken fan de oarloch binne der in soad minsken op de flecht foar it oarlochsgeweld. Opsterlân is gastfrij en helpt graach mei oan de opfang fan dizze flechtlingen. Lês op dizze side alles oer hoe't de saken regele binne, de lêste ûntwikkelingen oer de opfang, hoe't jo helpe kinne, meast stelde fragen en wêr't jo mear ynformaasje fine kinne. 

Aktuele ûntwikkelingen

Aktuele ûntwikkelingen oer de opfang fan Oekraynske ûtheimden. 

  1. Ofsluten: Undersyk mooglike nije lokaasje opfang Oekraïne

    De gemeente ûndersiket yn Nij Beets oft de lokaasje fan De Jasker geskikt is foar de opfang fan ûtheimde Oekrayners. Mocht dizze lokaasje geskikt wêze, dan ferwachtsje wy dat de lokaasje yn de twadde helte fan 2025 bewenne wurde kin.

    Mear ynformaasje

  2. Ofsluten: Oplevering apparteminten De Tsjerne -

    Oplevering apparteminten De Tsjerne. Húsfesting foar Oekraynske flechtlingen.

    Mear ynformaasje

  3. Ofsluten: Gemeenteried beslút foar opfang ûntheemde Oekraïners yn de Jasker, Nij Beets -

    De gemeenteried hat op 22 april in posityf beslút naam oer de opfang fan Oekraïense flechtlingen yn earder skoalgebou de Jasker yn Nij Beets. 

    Mear ynformaasje

  4. Noch te dwaan: Ferbouwing De Jasker

    Ferbouwing fan De Jasker

Underwiis foar bern

Alle bern dy't yn Nederlân ferbliuwe, hawwe rjocht op ûnderwiis. Dit betsjut dat ek Oekraynske bern nei skoalle meie yn Nederlân. De gemeente hat direkt kontakt mei skoallen en stribbet dernei om de bern op de tichtstbye basisskoalle te pleatsen. Op dizze wize hoege se net fier te reizgjen en geane se mei yn de reguliere stream. De bern dy't nei de middelbere skoalle geane, kinne terjochte op de BHS yn De Gordyk.

Wurk               

Oekraynske flechtlingen meie betelle wurk dwaan yn Nederlân. Hjir is gjin wurkfergunning foar nedich.

Maatskiplike stipe

Code Hans organisearret de maatskiplike begelieding fan de flechtlingen. Sy soargje foar ynbêding yn de maatskippij. As der fanút de flechtlingen fragen libje, kinne se by de lokaasjekoördinatoaren en Code Hans terjochte.  

Fersikerings

Fia de Regeling Medyske soarch Oekraynske Untheemden (RMO) kinne flechtlingen mei in Burgerservicenûmer (BSN) yn Nederlân gebrûk meitsje fan soarch. Foar flechtlingen út de Oekraïne dy't (noch) gjin BSN hawwe, wurdt de soarch fergoede fanút de Subsidieregeling medyske soarch oan ûnfersekere persoanen fanút it CAK.

Dêrneist is der fanút de gemeente in wetlike oanspraaklikheidsfersekering (WA) regele foar Oekraynske flechtlingen dy't yn de gemeentlike opfang ferbliuwe. Oekraynske flechtlingen dy't ferbliuwe yn de partikuliere opfang binne oer it generaal meifersekere ûnder de oanspraaklikheidsfersekering fan it gastgesin.

Libbensjild

Oekraynske flechtlingen meie yn Nederlân oan it wurk en it grutste part hat dêrom ynkomsten út arbeid. Oekraïners dy't gjin ynkomsten ûntfange, hawwe rjocht op libbensjild. As Oekraïners ynkomsten hawwe ûnder de libbensjildnorm, wurdt it ynkommen oanfolle oant ‘libbensjildhichte’. De libbensjildbedragen per moanne binne as folget:

 Bedrach per moanne
Kleane en oare persoanlike útjeften per persoan€ 62,66
Gesin fan 1 of 2 persoanenIten per folwoeksene of allinnesteande minderjierrige frjemdling (amf)€ 252,18
Iten per minderjierrich bern (net synde amf)€ 210,05
Gesin fan 3 persoanenIten per folwoeksene€ 214,29
Iten per minderjierrich bern€ 178,53
Gesin fan 4 of mear persoanenIten per folwoeksene€ 189,13
Iten per minderjierrich bern€ 157,61

Eigen bydrage

Flechtlingen út Oekraïne mei in baan of eigen ynkomsten moatte fan 1 jannewaris 2025 ôf moanliks meibetelje oan harren opfang yn in gemeente. Sy krije gjin libbensjild mear. 

Bydrage leverje?

Wolle jo in bydrage leverje oan de opfang fan Oekraïners yn de gemeente? Dat kin! Jo wurde trochferwiisd nei de folgjende side: Opsterland - Aanmelden Hulp Vluchtelingen Oekraïne - Over dit formulier. Hjir kinne jo jo opjaan om bygelyks frijwilliger te wurden of om opfang oan te bieden.

Fragen en antwurden oer de opfang fan Oekraynske flechtlingen

De gemeente is ferantwurdlik foar de opfang fan Oekraynske flechtlingen. Dizze opfang kin organisearre wurde troch de gemeente, mar ek partikulieren kinne wenromte oanbiede foar de opfang fan flechtlingen. Hjirûnder lêze jo de meast stelde fragen en antwurden oer de opfang fan Oekraynske flechtlingen. As jo noch fragen hawwe oer de opfang fan Oekraynske flechtlingen, dan kinne jo de gemeente maile fia oekraine@opsterland.nl.

Ik haw op eigen inisjatyf Oekraïners opfongen, mar myn lokaasje net oanmeld by de gemeente. Wat binne dêrfan de gefolgen?

Der binne in tal partikulieren binnen de gemeente dy't op eigen inisjatyf flechtlingen opfongen hawwe sûnder de gemeente hjirfan fan tefoaren te ynformearjen. Dit is tastien, om't it om Europeeske flechtlingen giet. De Oekraïners dy't jo opfange, moatte wol ynskreaun wurde by de gemeente. Fan dat momint ôf kin de gemeente nammentlik libbensjild útkeare oan de Oekraïners. As jo foar de opfang fan Oekraïners in oerienkomst oangeane mei de gemeente, dan kinne jo oanspraak meitsje op de hjirboppe neamde ûnkostenfergoeding.

Ik haw Oekraïners opfongen wêrtroch't myn konteners hurder fol reitsje. Wat kin ik dwaan?

Jo kinne by de Omrin in ekstra kontener oanfreegje. Dizze wurdt dan brocht. Eventuele ekstra kosten hjirfan binne meinaam yn de ûnkostenfergoeding dy't wenningeigners ûntfange.

Ik haw spullen dy't ik graach donearje wol oan de Oekraïners, kin dat?

As wy spullen nedich hawwe, dogge wy in oprop op sosjale media. Oan de hân fan dy oprop kinne minsken spullen donearje.

Yn hokker gemeentlike gebouwen wurde Oekraïners húsfêste en hoe sjocht dat derút?

Yn de gemeente Opsterlân hawwe wy ferskate gebouwen beskikber foar de opfang fan flechtlingen. Yn de Flambou (foarhinne skoalgebou) is romte foar 30 persoanen. Dêrneist hawwe wy fjouwer wenten oan de Trimbeets. Hjir is mei-inoar romte foar sa'n 30 persoanen. Tevens hawwe wy koartlyn in earder kantoarpân yn De Gordyk op 'e nij ynrjochte foar Oekraynske flechtlingen, dêr't sawat romte is foar 10 persoanen. Dêrneist is sûnt it neijier fan 2023 in opfanglokaasje yn Lúkswâld beskikber (foarhinne skoalpân), dêr't plak is foar sa'n 15 Oekraïners.

Komme yn de takomst mear gemeentlike gebouwen beskikber foar de opfang fan Oekraynske flechtlingen?

De oarloch duorret spitigernôch noch fuort. De Europeeske Rjochtline rint op dit stuit oant 4 maart 2026. Der is in reële kâns dat de perioade fan tydlike beskerming op 'e nij ferlinge wurdt, mar dit is noch net wis. It kabinet tinkt nei oer de lange termyn foar flechtlingen út Oekraïne. Gean foar mear ynformaasje oer it belied foar de lange termyn nei de webside fan Rijksoverheid.

Hoe lang bliuwe de Oekraïners yn de gemeente?

De Oekraïners binne Europeanen en dêrom frij om te gean en stean wêr't sy wolle. Dit betsjut dat de kar by harren leit oft sy werom wolle nei Oekraïne of dat sy yn Nederlân in bestean opbouwe wolle. Mocht it sa wêze dat sy graach werom wolle, bliuwt it fansels de fraach wannear't it wer feilich genôch is om werom te gean. Dit is wat nimmen foarsjen kin.

Handige ynformaasje

Hawwe jo fûn wat jo sochten?

Mear ynformaasje

Hawwe jo noch fragen?

Nim dan kontakt op mei it Gebietsteam

Gemeente Opsterlân