Partisipaasje en tsjinprestaasje
Hjir fine jo mear ynformaasje oer wêr't jo terjochte kinne foar fragen oer wurk en partisipaasje.
Jo ûntfange in útkearing fan de gemeente Opsterlân en hawwe in fraach
Wannear't jo fragen hawwe oer jo re-yntegraasje of help nedich hawwe by it finen fan wurk; nim dan kontakt op mei jo klantmanager Wurk. Dit kin fia it algemiene telefoannûmer 0512-386 222 of e-mail werkeninkomen@opsterland.nl. Neam hjirby de namme fan jo klantmanager Wurk, dan komt jo berjocht by jo kontaktpersoan telâne. As jo in útkearing en noch gjin wurk hawwe, freegje wy jo om in tsjinprestaasje te dwaan, yn de foarm fan frijwilligerswurk, mantelsoarch, ensfh.
Jo ûntfange in útkearing fan de gemeente Opsterlân en hawwe in wiziging yn jo situaasje
Binne jo fan doel om frijwilligerswurk, staazje, in oplieding of kursus te dwaan; nim dan kontakt op mei jo klantmanager Wurk. Binne der hjirtroch wizigingen yn jo situaasje of hawwe jo wizigingen op it mêd fan ynkommen, wurk of fakânsje; jou dit dan sa gau mooglik troch fia ûndersteand wizigingsformulier.
Jo ûntfange géén útkearing fan de gemeente Opsterlân en hawwe in fraach
Wannear't jo gjin útkearing fan ús ûntfange, mar wol graach help wolle by it finen fan wurk of re-yntegraasje, dan kin de gemeente mooglik ek help biede. Wy moatte earst jo situaasje witte om te beoardieljen oft wy jo helpe kinne. Wolle jo witte oft jo hjirfoar yn oanmerking komme? Dan kinne jo kontakt opnimme fia it telefoannûmer 0512 - 386 222 of e-mail werkeninkomen@opsterland.nl.
Bedriuwen
Hawwe jo fragen oer it finen fan personiel út de Participatiewet, dan kinne jo terjochte by ús jobhunter fia werkeninkomen@opsterland.nl of it algemiene telefoannûmer 0512-386 222.
Foar mear ynformaasje kinne jo ek sjen op ûndersteande websides:
De gemeente Opsterland wurket nau gear mei ús sosjaal ûntwikkelbedriuw Caparis. Wolle jo witte wat Caparis foar jo betsjutte kin? Klik op dizze link foar mear ynformaasje: www.caparis.nl
Binne jo wurksykjende of binne jo op syk nei oar wurk? Jo kinne frijbliuwend kontakt opnimme mei Het Noorden werkt door. Elke wurksykjende en organisaasje kin hjir terjochte mei syn helpfraach oer wurk en personiel. Fia dizze link kinne jo kontakt opnimme: www.hetnoordenwerktdoor.nl
Op de webside fan Fryslân Werkt kinne sawol wurkjouwers, wurknimmers as wurksykjenden ynformaasje fine oer projekten en skoalling yn de arbeidsmerkregio: www.fryslanwerkt.nl
Wolle jo graach mear ynformaasje oer útkearingen, fakatures en tips foar sollisitaasjes? Dan kinne jo sjen op de ûndersteande side fan it UWV: www.werk.nl
